Metallurg Bekobod

Bu atamaning boshqa maʼnolari ham mavjud. Qarang: Metallurg.

Metalurg futbol klubi – Toshkent viloyatining Bekobod shahrida 1945-yilda tashkil etilgan futbol jamoasi. Klub Oʻzbekiston Pro ligasi da ishtirok etadi.

Metallurg PFK

Toʻliq nomi	Metalurg Bekobod futbol klubi
Laqabi	Konchilar, Metallurgchilar
Asos solingan	1945 (81 yil avval) (1945) (2026-yil qayta tashkil etilgan)
Stadioni	Metallurg (Stadion, Bekobod)
Sigʻimi	15,000
Jamoa egasi	Oʻzmetkombinat
Bosh direktor	Ulugʻbek Mirzayev
Bosh murabbiy	Ilhom Moʻminjonov
Liga	Oʻzbekiston Pro ligasi
Vebsayti	Klub sayti
Asosiy libosi Ikkinchi libosi
Amaldagi mavsum

Jamoa bosh homiysi va egasi „Oʻzmetkombinat“ aksiyadorlik jamiyati hisoblanadi. Klub 1998-yildan 2025-yilgacha Oʻzbekiston Superligasining doimiy ishtirokchisi boʻlgan.

Tarixi

1945-yilda „Bekobod“ nomi bilan tashkil etilgan. Sovet davrida u SSSR chempionatining Ikkinchi ligasi va Ikkinchi quyi ligasida qatnashgan, bir necha mavsum Oʻzbekiston SSR chempionatida oʻynagan. 1985 va 1990-yillarda Oʻzbekiston SSR kubogi sohibi boʻlgan. Bekobod shahrining „Metallurg“ jamoasi tarixi 1945-yilga borib taqaladi. Ikkinchi jahon urushi poyoniga yetgandan soʻng Oʻzbekistonning metallurglar shahrida millionlar oʻyinini rivojlantirishga eʼtibor qaratildi. Zero poytaxtdan 150 chaqirim uzoqlikda joylashgan industriya shahri aholisi uchun futbol jamoasi ishtirokidagi oʻyinlar eng yaxshi dam olish vosita sanalgandi. Dastlabki yillarda jamoa asosini N. F. Ruskiy, A.Kuchkin, V.Li, V.Pak singari fidoyi insonlar tashkil etgan. Jamoa turli musobaqalarda, jumladan, sobiq Ittifoq chempionati ikkinchi ligasida, Toshkent viloyati birinchiligi va Kubogi, KFK respublika jamoalari Birinchiligi va Kubogida, kasaba uyushma qoʻmitalari jamoalari oʻrtasidagi Respublika birinchiligida, „Millionlar Kubogi“da va boshqa musobaqalarda qatnashgan. „Metallurg“ bekobodlik futbol ishqibozlarining mehrini qozonib kelgan. Jamoaning tashkil topishi, keyinchalik shakllanishi va musobaqalarda muvaffaqiyatli qatnashishida A.Toshxoʻjayev, Sh. Yoʻldoshev va K.Moʻminov singari murabbiylarning hissasi katta boʻlgan. 1991-yildan eʼtiboran „Metallurg“ futbol jamoasi Oʻzbekiston birinchiligi va Kuboklarining har yilgi ishtirok etib kelayapti. Mamlakat birinchiligida qatnashgan yillarda jamoani quyidagi murabbiylar boshqarishgan: Karim Moʻminov (1991, 1993, 1994), Aleksandr Myagkov (1992), Ravil Bagautdinov (1995), Vladimir Yejurov (1996). „Metallurg“ 1997-yilda Oʻzbekiston birinchiligida Yakov Kaprov hamda Sergey Dotsenkolar rahbarligida ishtirok etdi va 2-oʻrinni egallab, keyingi mavsumdan eʼtiboran Oʻzbekiston chempionatida qatnashish huquqiga sazovor boʻldi. Kuchlilar safida bekobodliklar chiroyli oʻyinlari bilan ishqibozlar olqishiga sazovor boʻlib kelmoqda. Jamoa ayniqsa uy uchrashuvlarida qadrdon muxlislari qarshisida hujumkor oʻyin koʻrsatib, peshqadam klublarni ham bir necha marta dogʻda qoldirishga muvaffaq boʻlgan.

SSSR parchalanganidan soʻng, 1992-yildan Oʻzbekiston chempionatining Birinchi ligasida ishtirok eta boshladi. 1997-yilgi mavsumda u 2-oʻrinni egalladi va Oliy ligaga yoʻllanma oldi.

Oʻshandan beri u mamlakat elita boʻlinmasining doimiy aʼzosi. 2002 va 2018-yillarda 5-oʻrinni egallagan va bu Bekobodning „Metallurg“ jamoasining chempionatlardagi eng yuqori yutugʻi edi.

Klubning tugatilishi va qayta tashkil etilishi

Oʻzmetkombinat 2024-yilgi mavsum yakunida Metallurg klubini moliyalashtirilishin toʻxtatilishini maʼlum qilganidan soʻng 2025-yilgi mavsum avvalida faoliyati klub faoliyati toʻxtatilgan va jamoa tarqatib yuborilgan. 2026-yil 23-yanvarda klub qayta tiklangan.

Jamoa nomlari tarixi

yillar	Ism
1945—1969-yillar	"Bekobod"
1969—1991-yillar	"Sementchi"
1992—1993-yillar	"Madanchi"
1994-yil - hozirgacha ichida.	"Metallurg"

Mahalliy musobaqalar tarixi

Mavsum	Liga									Oʻzbekiston Kubogi	Eng yaxshi toʻpurar		Murabbiy
	Div.	Pos.	Pl.	W	D	L	GS	GA	P		Ism	Liga
1992	2	8	30	13	7	10	45	50	33	1/16 final bosqichi
1993	2	11	30	8	11	11	35	41	27	1/16 final bosqichi
1994	2	7	34	15	8	11	66	36	38	1/8 final bosqichi	Ravshan Shukurov	18
1995	2	10	22	6	3	13	32	53	21	Dastlabki bosqich
1996	2	9	52	24	6	22	73	64	78	Dastlabki bosqich
1997	2	2	42	27	6	9	95	42	87	Dastlabki bosqich
1998	1	13	30	9	7	14	37	50	34	1/16 final bosqichi	Zuhriddin Akbarov	6	Sergey Dotsenko
1999	1	8	30	11	6	13	41	44	39	1/16 final bosqichi	Gʻayrat Odilov	10	Yakov Kaprov   Usmon Asqaraliyev
2000	1	13	38	12	8	18	44	58	44		Ulugʻbek Roʻzimov	8	Rauf Inileyev   Valeriy Lyotkin
2001	1	14	34	9	12	13	42	60	39	1/8 final bosqichi	Noʻmon Nurmatov   Gʻayrat Odilov	9	Usmon Asqaraliyev
2002	1	5	30	14	6	10	40	35	48	1/8 final bosqichi	Vladimir Baranov	8	Rustam Mirsodiqov
2003	1	13	30	9	5	16	36	69	32	1/8 final bosqichi	Hikmat Hoshimov   Abbos Abdullayev	6	Valeriy Lyotkin
2004	1	9	26	8	3	15	26	48	27	1/16 final bosqichi	Hikmat Hoshimov	6	Rustam Mirsodiqov   Eldor Sakayev
2005	1	11	26	9	2	15	32	47	29	Dastlabki bosqich	Islom Choriyev   Muxtor Qurbonov	7	Eldor Sakayev
2006	1	14	30	7	7	16	36	45	28	Chorak final	Bahrom Umarov	11	Shamil Tolipov   Eldor Sakayev
2007	1	15	30	6	5	19	32	62	23	1/8 final bosqichi	Zohid Abdullayev	7	Shamil Tolipov   V Rustamov   Valeriy Lyotkin
2008	1	7	30	12	6	12	28	34	42	1/8 final bosqichi	Hikmat Hoshimov	6	Rustam Mirsodiqov
2009	1	12	30	7	10	13	36	49	31	1/8 final bosqichi	Zohid Abdullayev	6	Rustam Mirsodiqov
2010	1	6	26	9	8	9	29	31	35	1/8 final bosqichi	Zohid Abdullayev	7	Rustam Mirsodiqov
2011	1	8	26	9	4	13	35	42	31	1/8 final bosqichi	Ilyos Qurbonov	8	Rustam Mirsodiqov
2012	1	10	26	8	5	13	32	46	29	Chorak final	Zohid Abdullayev	9	Rustam Mirsodiqov
2013	1	7	26	10	3	13	36	44	33	1/16 final bosqichi	Shahzodbek Nurmatov	9	Rustam Mirsodiqov
2014	1	9	26	8	4	14	44	54	28	1/8 final bosqichi	Sunnatilla Mamadaliyev   Shahzodbek Nurmatov	8	Rustam Mirsodiqov
2015	1	9	30	10	6	14	44	38	36	Chorak final	Shahzodbek Nurmatov	10	Rustam Mirsodiqov
2016	1	7	30	14	7	9	47	34	49	Chorak final	Zohid Abdullayev	18	Rustam Mirsodiqov
2017	1	10	30	12	4	14	40	39	40	Uchinchi bosqich	Zohid Abdullayev	12	Rustam Mirsodiqov
2018	1	5	32	12	7	13	28	38	43	1/16 final bosqichi	Zohid Abdullayev   Islombek Isoqjonov	7	Andrey Shipilov
2019	1	5	26	9	8	9	33	26	35	Ikkinchi bosqich	Zohid Abdullayev   Muzaffar Muzaffarov   Stanislav Andreyev   Bahodir Pardaev	5	Andrey Shipilov
2020	1	7	26	10	6	10	30	30	36	Chorak final	Shaxzod Ubaydullaev	8	Andrey Shipilov
2021	1	11	26	8	1	17	22	35	25	1/8 final	Damir Temirov	4	Andrey Shipilov   Jasur Abduraimov   Luisma Hernández
2022	1	10	26	8	8	10	19	27	32	1/8 final	Shohnazar Norbekov	7	Luisma Hernández
2023	1	10	26	8	6	12	26	35	30	1/8 final	Zabihillo Oʻrinboyev	7	Luisma Hernández   Vesco Stesevic
2024	1	13	26	3	14	9	22	30	23	1/8 final	Marko Milićković	6	Vesco Stesevic   Ilyos Qurbonov   Grigoriy Kolosovskiy   Ilyos Qurbonov

Ayollar jamoasi

„Metallurg-Women“ tarixi

Toshkent viloyatining industriya shaharlaridan biri – Bekobodda ayollar futboliga asos solinganiga unchalik koʻp boʻlmadi. Ammo qisqa fursat ichida „Metallurg-Women“ mamlakatimizning eng kuchli jamoalaridan biriga aylanib ulgurdi. 2012-yil „Metallurg“ futbol klubi rahbariyati mavsum soʻngida ayollar jamoasini tashkil etish hamda Oʻzbekiston chempionatlarida qatnashish taklifini oldinga tashladi va bu Oʻzbekiston metallurgiya kombinati hissadorlik jamiyati tomonidan qoʻllab quvvatlandi. Natijada 2013-yilgi mavsumdan eʼtiboran „Metallurg-Women“ nomi ostida bekobodlik qizlar mamlakat chempionati hamda Oʻzbekiston kubogi bahslaridagi ishtirokini boshlashdi. Tashkil etilgan yiliyoq „Metallurg-Women“ning sovrindorlar safiga kirishi futbol jamoatchiligi tomonidan „syurpriz“ – kutilmagan hol deb qabul qilingan boʻlsa, besh yil davomida „Metallurg-Woman“ aslida katta maqsadlar sari dadil qadam tashlayotganligini isbotladi. Keyingi mavsumdayoq ayollar futbolimizdagi ikkinchi musobaqa – Oʻzbekiston kubogidagi yorqin gʻalaba buning isboti boʻldi. Poytaxt viloyati vakillari maqsadlariga bosqichma bosqich, sabr-matonat bilan erishib bordilar. Avvaliga bronza medaliga sazovor boʻlgan „Metallurg-Woman“ keyinchalik Oʻzbekiston kubogini, undan soʻng Oʻzbekiston Superkubogini qoʻlga kiritdi. Uchinchi oʻrin ikkinchi oʻringa almashdi. Bronza medali sifati kumush medal sifatiga oʻzgardi. Tashkil etilganining beshinchi mavsumini esa bekobodliklar beshga topshirishdi! Oʻzbekiston chempionatlari tarixida misli koʻrilmagan natija qayd etildi. „Metallurg-Woman“ chempionatning barcha – 20 ta uchrashuvida gʻalaba qozonib, bironta ham ochko yoʻqotmadi!!! „Metallurg-Women“ning milliy chempionatlarimizdagi natijalari borasida quyidagi jadvalda tanishishingiz mumkin. „Metallurg-Women“ milliy chempionatimizdan tashqari Oʻzbekiston kubogi hamda Superkubogi bahslarida ham zafar quchishgan. Bekobodliklar ikki karra Oʻzbekiston kubogi sohibi boʻlishgan. 2015-yilgi mavsum finalida „Metallurg-Women“ Qarshining „Sevinch“ jamoasini qoʻshimcha vaqtda 4:2 hisobida magʻlubiyatga uchratgan boʻlsa, 2017-yilgi mamlakat Kubogi finalida Toshkentning „Bunyodkor“ jamoasi dogʻda qoldirildi – 3:1. 2016-yilgi mavsumda Oʻzbekiston kubogi sohibi sifatida Superkubok musobaqasida Oʻzbekiston chempioni – „Sevinch“ jamoasi magʻlubiyatga uchratildi. Bu muvaffaqiyatni jamoa 2018-yilda ham takrorladi. Bu safar yangi murabbiylar shtabi boshchiligida bekobodlik qizlar finalda „Bunyodkor-vumen“ni dogʻda qoldirishdi – 2:1. Turli yillarda „Metallurg-Women“ oʻyinchilari mavsum toʻpularlari roʻyxatidan joy egallab kelishmoqda. Jumladan, 2014-yilda Nargiza Abdurasulova (19) ikkinchi natijani koʻrsatdi. 2015-yildan eʼtiboran esa sahnaga „Metallurg-Women“ hujumchisi Lyudmila Karachik koʻtarildi. U 2015-yilda – 66 ta gol bilan chempionatlar rekordi oʻrnatgan boʻlsa, 2016-yilda – 27, 2017-yilda – 42 ta goli bilan karvonboshilikni qoʻldan boy bermadi.

Futzal jamoasi

„Metallurg“ futzal jamoasi tarixi

Bekobod shahriga katta futbol ikkinchi jahon urushidan keyin, 1945-yilda kirib kelgan. Metallurglar shahrida shu nom bilan ataluvchi jamoa tuzildi va u poytaxtdan 150 km uzoqlikda joylashgan kichik shaharcha aholisi uchun asosiy dam olish vositasiga aylandi. Jamoa turli yillarda sobiq Ittifoq chempionati ikkinchi ligasida, Toshkent viloyati birinchiligi va Kubogi, KFK respublika jamoalari Birinchiligi va Kubogida, kasaba uyushma qoʻmitalari jamoalari oʻrtasidagi Respublika birinchiligida, „Millionlar Kubogi“da va boshqa musobaqalarda qatnashgan. Jamoaning tashkil topishi, keyinchalik shakllanishi va musobaqalarda muvaffaqiyatli qatnashishida A.Toshxoʻjayev, SH.Yoʻldoshev va K.Moʻminov singari murabbiylarning hissasi katta boʻlgan. 1991-yildan eʼtiboran „Metallurg“ futbol jamoasi Oʻzbekiston birinchiligi va Kuboklarining har yilgi ishtirok etib kelayapti. Mamlakat birinchiligida qatnashgan yillarda jamoani quyidagi murabbiylar boshqarishgan: Karim Moʻminov (1991, 1993, 1994), Aleksandr Myagkov (1992), Ravil Bagautdinov (1995), Vladimir Yejurov (1996). „Metallurg“ 1997-yilda Oʻzbekiston birinchiligida Yakov Kaprov hamda Sergey Dotsenkolar rahbarligida ishtirok etdi va 2-oʻrinni egallab, keyingi mavsumdan eʼtiboran Oʻzbekiston chempionatida qatnashish huquqiga sazovor boʻldi. Kuchlilar safida bekobodliklar chiroyli oʻyinlari bilan ishqibozlar olqishiga sazovor boʻlib kelmoqda. Jamoani eng koʻp va samarali boshqargan murabbiylardan biri Rustam Mirsodiqov hisoblanadi. Uning rahbarligida jamoa oʻnta mavsum kuchlilar safidagi mavqeyini saqlab keldi va oliy liga bahslarida ikki marta 5-oʻrinni egallab, eng yaxshi natijani qayd etdi. Aynan ushbu mutaxassis klubga rahbarlik qilib kelgan yillarda Bekobodda futbolning ajralmas qismi – futzalga ham asos solindi. 2016-yili „Metallurg“ PFK qoshida futzal jamoasi ham tuzildi va u mamlakat milliy chempionati hamda Oʻzbekiston kubogi bahslarida ishtirokini boshladi. Dastlabki mavsumda kuchlilar safida ishtirok etish bekobodliklar uchun oson kechmadi. Biroq gʻayratli, shijotli yoshlarni jamlagan murabbiylar shtabi metallurglar shahrida futbolning bu qiziqarli yoʻnalishining ham shakllanishiga erishdilar.

Stadion

Klub oʻz oʻyinlarini 1960-yildan buyon A.Anoxin nomidagi stadionda oʻtkazib keladi. Dastlab stadion 5000 tomoshabinga moʻljallangan edi. 2009-yilda stadionni rekonstruksiya qilish ishlari boshlandi. 2012-yilning yozida yangi stadion qurilish ishlari yakunlandi va stadion sigʻimi 15 000 tagacha kengaytirildi va stadion nomi „Metallurg“ stadioni nomini oldi. Stadionning tantanali ochilish marosimi 2012-yilning 4-avgust kuni Oʻzbekiston ligasi doirasidagi „Metallurg“ – „Paxtakor“ uchrashuvida 1:2 hisobida yakunlangan edi.

Yutuqlar

SSSR

• Oʻzbekiston SSR kubogi:
  • Gʻolib (2 marta): 1985, 1990.

Oʻzbekiston

• Birinchi liga:
  • 2-oʻrin (1 marta): 1997-yil

Jamoa tarkibi

Joriy tarkib

2026-yil 23-yanvar holatiga

Eslatma: bayroqlar FIFA muvofiqlik qoidalariga koʻra belgilangan milliy terma jamoani koʻrsatadi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin. Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R. Poz. Millati Futbolchi 1 GK   UZB

R. Poz. Millati Futbolchi 18 MF   UZB

U21

Yana qarang: Futbol boʻyicha Oʻzbekiston chempionati (21 yoshgacha)

2026-yil 23-yanvar holatiga holatiga

Eslatma: bayroqlar FIFA muvofiqlik qoidalariga koʻra belgilangan milliy terma jamoani koʻrsatadi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin. Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R. Poz. Millati Futbolchi 1 GK   UZB

R. Poz. Millati Futbolchi 18 MF   UZB

U19

Yana qarang: Futbol boʻyicha Oʻzbekiston chempionati (19 yoshgacha)

2026-yil 23-yanvar holatiga

Eslatma: bayroqlar FIFA muvofiqlik qoidalariga koʻra belgilangan milliy terma jamoani koʻrsatadi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin. Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R. Poz. Millati Futbolchi 1 GK   UZB

R. Poz. Millati Futbolchi 18 MF   UZB

Klub xodimlari

Boshqaruv hodimlari

Lavozim	Xodimlar
Prezident	Bahodir Abdullayev
Bosh direktor	Ulugʻbek Mirzayev
Bosh ijrochi direktor
Sport direktori
Texnik direktor
Yoshlar jamoasi kordinatori
Ijrochi direktor
Xavfsizlik boʻyicha ofitser
Matubot kotibi

• Oxirgi yangilangan: 2025-yil 23-yanvar
• Manba:

Hozirgi murabbiylar shtabi

Lavozim	Xodimlar
Bosh murabbiy	Ilhom Moʻminjonov
Bosh murabbiy yordamchisi
Tahlilchi murabbiy	Durbek Umaraliyev
Darvozabonlar murabbiyi	Akmal Ortiqov
Fitnes murabbiyi
Seleksioner murabbiy

• Oxirgi yangilangan: 2026-yil 26-yanvar
• Manba:

Klub tarixida iz qoldirganlar

Mashhur futbolchilar

• Andrey Miklyayev
• Murod Aliyev
• Vyacheslav Ponomaryov
• Dilmurod Karimov
• Ivan Nagayev
• Aleksandr Kovalyov
• Kamoliddin Murzoyev
• Murod Zuxurov
• Oleg Belyakov
• Sardor Qobuljonov
• Ulugʻbek Roʻzimov
• Farxod Yoʻldoshev
• Aleksandr Mochinov
• Sergey Lebedev
• Shahzodbek Nurmatov
• Aleksey Jdanov
• Igor Volkov
• Sergey Lushan
• Alisher Toʻychiyev
• Bojan Kaljević

Boshqaruv tarixi

Davr	Bosh murabbiy	Manba
1945—1997	Aniq maʼlumotlar yoʻq
1998—1999	Sergey Dotsenko
1999—1999	Yakov Kaprov
1999—2000	Usmon Asqaraliyev
2000—2001	Valeriy Lyotkin
2001—2002	Usmon Asqaraliyev
2002—2003	Rustam Mirsodiqov
2003—2004	Valeriy Lyotkin
2004—2004	Usmon Asqaraliyev
2004—2006	Eldor Sakayev
2006	Shamil Talipov
2006—2007	Eldor Sakayev
2007	Shamil Talipov
2007—2008	Valeriy Lyotkin
2008—2017	Rustam Mirsodiqov
2018—2021	Andrey Shipilov
2021	Jasur Abduraimov
2022—2023	Luisma Hernández
2023—2024	Vesco Stesevic
2024	Ilyos Qurbonov (vaqticnha)
2024	Grigoriy Kolosovskiy
2024	Ilyos Qurbonov (vaqticnha)
2026—	Ilhom Moʻminjonov