Hijr surasi (arabcha: سورة الحجر‎‎, nomining maʼnosi — Madina va Shom o‘rtasidagi vodiy) — Qurʼonning 15-surasi. Makkiy suralardan biri, 99 oyatdan iborat. Bu s

Nahl ← 15–sura → Ibrohim
Hijr surasi — سورة الحجر
	; Suraning arabcha matni
Nomining maʼnosi	Madina va Shom o‘rtasidagi vodiy
Tasnifi	Makkiy sura
Statistika
Sahifasi	262–267
Juz	14
Sura raqami	15
Oyatlar soni	99
Sajda oyati	yoʻq
Rukuʼlar soni	6
Muqattaot harflari	Alif, lom, ro.
Soʻzlar soni	958
Harflar soni	2797
Nozil boʻlish tartibi	54
Arabcha matni	ar.wikisource.orgda ; tanzil.netda
Tarjimalari	QuranAcademy.org ; quran.uzda
Tilovat tartibi
Nozil boʻlish tartibi

Hijr surasi (arabcha: سورة الحجر‎‎, nomining maʼnosi — Madina va Shom o‘rtasidagi vodiy) — Qurʼonning 15-surasi. Makkiy suralardan biri, 99 oyatdan iborat. Bu sura Qurʼonning 262–267-sahifasida va 14-juzida joylashgan. 54-boʻlib nozil boʻlgan.

Asosiy maʼnosi

Bu sura olam mehvari — turli asrlardagi paygʻambarlarni yolgʻonchi qilib, ularga qarshi chiqqan osiylarning hammasi halokatga uchraganlari atrofida aylanadi. Shu boisdan sura bunday kimsalarga iymonsizliklarining oqibati xatarli ekanligi haqida tanbeh berish bilan boshlanadi.

Bu surada burjlarga boʻlingan osmon, hayot kechirish uchun moslab yaratilgan zamin, maʼdan-xazinalarni oʻz bagʻriga olib oʻrnashgan togʻlar, yomgʻirli bulutlarga "homilador" boʻlgan shamollar zikr qilinib, bularning barchasi Haq taolo tarafidan insonga xizmat qilish uchun yaratilgani uqtiriladi. Soʻngra Yaratganning amri bilan asli zuvalasi "qora loy"dan qorilgan insonga butun mavjudot sajda qilganida faqat Iblisgina bu farmonga boʻyinsunmay, kibr-havo qilganini bayon qilish bilan shaytonning insoniyatga nisbatan boʻlgan adovati to qiyomatgacha davom etishiga ishora qilinadi. Yana bu surada Allohning paygʻambarlari — Ibrohim, Lut, Shuayb va Solih alayhissalomlarning qissalari soʻylanadi. Bulardan Solih paygʻambarning qavmlari — Samud qabilasi Hijr (Madina va Shom oʻrtasidagi vodiy)dan ekanligi zikr qilinib, mazkur suraning "Hijr" deb nomlanishining boisi shudir.