Bahrom Ashrafxonov

Bahrom Bahodirovich Ashrafxonov — oʻzbek iqtisodchisi va diplomati. 2020-yildan Oʻzbekistonning Ozarbayjon va Gurjistondagi elchisi. 2016-2018-yillarda Oʻzbekistonning Rossiyadagi elchisi boʻlgan.

Bahrom Bahodirovich Ashrafxonov
Ozarbayjon Respublikasi Prezidenti Ilhom Aliyev qabulida
Oʻzbеkistоnning Ozarbayjondagi elchisi
Mansab davri 2020-yil 26-apreldan
Prezident	Shavkat Mirziyoyev
Oʻtmishdoshi	Sherzod Fayziyev
Oʻzbеkistоnning Rossiyadagi elchisi
Mansab davri 2016-yildan – 2018-yilgacha
Prezident	Shavkat Mirziyoyev
Oʻtmishdoshi	Akmal Kamolov
Vorisi	Botir Asadov
Oʻzbеkneftgaz kompaniyasi raisi
Mansab davri 2018-yildan – 2019-yilgacha
Prezident	Shavkat Mirziyoyev
Oʻtmishdoshi	Alisher Sultonov
Vorisi	Bahodir Siddiqov
Shaxsiy maʼlumotlari
Tavalludi	16-mart 1969-yil (1969-03-16) (56 yosh) Toshkent

Biografiyasi

Maʼlumoti

Bahrom Ashrafxonov 1969-yilda tug‘ilgan. 1990-yilda Toshkent politexnika institutini, 1993-yilda Toshkent davlat iqtisodiyot universitetini, bir yildan so‘ng Kentukki universiteti (AQSh)ni tamomlagan.

Rus va ingliz tillarini biladi.

Mehnat faoliyati

1994—2000-yillarda AIG Trading Group (AQSh) vakolatxonasi rahbari va UZ AIG Insurance sugʻurta kompaniyasining bosh direktori lavozimlarida ishlagan.

2000—2016-yillarda O‘zbekiston Moliya vazirining o‘rinbosari lavozimida ishlagan. Bir vaqtning oʻzida Oʻzbekiston qishki sport turlari assotsiatsiyasi raisi boʻlgan.

2016—2018-yillarda O‘zbekistonning Rossiya Federatsiyasidagi va Belarusdagi favqulodda va muxtor elchisi bo‘lgan.

2018-yil sentyabridan „Oʻzbekneftgaz“ boshqaruvi raisi vazifasini bajaruvchi.

2019-yil fevral-sentyabr oylarida Moliya vazirining ijtimoiy masalalar bo‘yicha o‘rinbosari, so‘ngra 2020-yil apreliga qadar O‘zbekiston Moliya vazirligi huzuridagi Byudjetdan tashqari Pensiya jamg‘armasi ijrochi direktori lavozimlarida ishlagan.

2020—yil aprel oyidan O‘zbekistonning Ozarbayjon va Gurjiston davlatlaridagi Favqulodda va Muxtor Elchisi lavozimida ishlab kelmoqda.