Ibrohim surasi (arabcha: سورة إبراهيم‎‎, nomining maʼnosi — Ibrohim (nom)) — Qurʼonning 14-surasi. Makkiy suralardan biri, 52 oyatdan iborat. Bu sura Qurʼonning

Hijr ← 14–sura → Raʼd
Ibrohim surasi — سورة إبراهيم
	; Suraning arabcha matni
Nomining maʼnosi	Ibrohim (nom)
Tasnifi	Makkiy sura
Statistika
Sahifasi	255–261
Juz	13
Sura raqami	14
Oyatlar soni	52
Sajda oyati	yoʻq
Rukuʼlar soni	7
Muqattaot harflari	Alif, lom, ro.
Soʻzlar soni	831
Harflar soni	3461
Nozil boʻlish tartibi	72
Arabcha matni	ar.wikisource.orgda ; tanzil.netda
Tarjimalari	QuranAcademy.org ; quran.uzda
Tilovat tartibi
Nozil boʻlish tartibi

Ibrohim surasi (arabcha: سورة إبراهيم‎‎, nomining maʼnosi — Ibrohim (nom)) — Qurʼonning 14-surasi. Makkiy suralardan biri, 52 oyatdan iborat. Bu sura Qurʼonning 255–261-sahifasida va 13-juzida joylashgan. 72-boʻlib nozil boʻlgan.

Asosiy maʼnosi

Bu surada ham Makka suralarining aksarida boʻlgani kabi eʼtiqod, vahiy, tavhid — Allohning birligiga iymon keltirish, qayta tirilish va, xususan, qiyomat kunida boʻladigan hisob-kitob va jazo-mukofot toʻgʻrisida batafsil soʻz yurtiladi.

Sura paygʻambarlar zimmasiga yuklatilgan vazifa - insoniyatni zulmatlardan nurga olib chiqish ekanini bayon etuvchi oyat bilan boshlanadi. Bu bilan, birinchidan, hayotda zulmatlar – egri-notoʻgʻri yoʻllar koʻp, nur — haqiqat yoʻli esa tanho boʻlishi bayon qilinsa, ikkinchidan, oʻsha yagona nurga faqat paygʻambarlar — Allohning elchilariga nozil boʻlgan vahiy vositasidagina yetish mumkinligi uqtiriladi. Yana bu suradan Muso paygʻambarning oʻz qavmi bilan boʻlgan muloqotlaridan biri haqidagi oyatlar ham joy olgandir.

Suraning "Ibrohim" deb atilishiga sabab unda paygʻambarlar otasi - Ibrohim alayhissalomning Makkaga kelishlari va u yerda Tangri taologa qilgan duo-iltijolari xususida mufassal hikoya qilinganidir.