Umedjon Barnoyev

Umedjon Isoyevich Barnoyev – Buxoro viloyati Romitan tumani hokimi.

Umedjon Barnoyev
Umedjon Isoyevich Barnoyev
Romitan tumani hokimi
Mansab davri 2021-yil 22-dekabr – hozirgacha
Hukumat boshligʻi	Abdulla Aripov
Prezident	Shavkat Mirziyoyev
Hokim	Botir Zaripov
Oʻtmishdoshi	Xurshid Tohirov
Senat raisi	Tanzila Norboyeva
Shaxsiy maʼlumotlari
Tavalludi	12-iyul 1970-yil (1970-07-12) (55 yosh) Romitan tumani, Buxoro viloyati, OʻzSSR
Fuqaroligi	Oʻzbekiston
Millati	oʻzbek
Qarindoshlari	Oʻktam Barnoyev (akasi)
Taʼlim	Buxoro oziq-ovqat va yengil sanoat texnologiyasi instituti Samarqand davlat universiteti
Kasbi	muhandis-mexanik, huquqshunos

Biografiyasi

1970-yil 12-iyulda Buxoro viloyati Romitan tumanida tugʻilgan. Millati oʻzbek. Maʼlumoti oliy. 1996-yilda Buxoro oziq-ovqat va yengil sanoat texnologiyasi institutini hamda 2000-yilda Samarqand davlat universitetini tamomlagan. Maʼlumoti boʻyicha mutaxassisligi – muhandis-mexanik, huquqshunos.

Mehnat faoliyati

Mehnat faoliyatini 1998-yilda Buxoro viloyati Adliya boshqarmasida sud ijrochisi sifatida boshlagan. Keyinchalik boshqarmaning ariza va shikoyatlar boʻyicha katta maslahatchisi, xoʻjalik yurituvchi subyektlar tomonidan shartnoma majburiyatlarining bajarilishini nazorat qilish boʻlimi bosh maslahatchisi (1998—2004) lavozimlarida ishlagan.

2004—2005-yillarda Adliya vazirligi huzuridagi sud qarorlarini ijro etish, sudlar faoliyatini moddiy-texnik jihatdan va moliyaviy taʼminlash departamenti Toshkent shahar hududiy boʻlimi katta mutaxassisi, 2-darajali yuristi, 2004−2013-yillarda Toshkent shahar prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti xodimi sifatida faoliyat yuritgan.

Shuningdek, „Oʻzpaxtasanoat“ aksiyadorlik jamiyati yuridik boshqarmasi huquqshunos maslahatchisi (2018), mas’uliyati cheklangan jamiyati shaklidagi „Safari Vogue“ innovatsion turizm klasteri direktor oʻrinbosari (2018—2020), mazkur MChJ innovatsion turizm klasteri bosh direktori (2020) lavozimlarida ishlagan.

2020-yilda Buxoro tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari etib tayinlandi.

2021-yildan hozirgi kunga qadar Romitan tumani hokimi lavozimida faoliyat olib bormoqda.

Oilasi

2016—2020-yillarda Buxoro viloyatiga hokimlik qilgan, 2020-yil fevralida bosh vazir oʻrinbosari lavozimiga tayinlanib, 2020-yil sentyabr oyida vafot etgan Oʻktam Barnoyevning ukasi hisoblanadi.