Erkinjon Turdimov

Vikipediyada ismi Erkin va familiyasi Turdimov boʻlgan boshqa kishilar haqida ham maqolalar mavjud.

Turdimov Erkinjon Oqbo'tayevich (Турдимов Эркинжон Оқбўтаевич; 1969-yil 10-iyul, Samarqand viloyati Qoʻshrabot tumani) — oʻzbekistonlik iqtisodchi va davlat arbobi. 2025-yildan Sirdaryo viloyati hokimi. 2008-yildan Oʻzbekiston Respublikasi Oliy Majlisi Senatining Tashqi siyosat masalalari qoʻmitasi aʼzosi.

Turdimov Erkinjon Oqboʻtayevich
Турдимов Эркинжон Оқбўтаевич
Sirdaryo viloyati hokimi
Mansab davri 2025-yil 22-yanvardan – hozirgacha
Hukumat boshligʻi	Abdulla Oripov
Prezident	Shavkat Mirziyoyev
Oʻtmishdoshi	Akmaljon Mahmudaliyev
Samarqand viloyati hokimi
Mansab davri 2018-yil 11-iyul – 2024-yil 28-noyabr
Hukumat boshligʻi	Abdulla Oripov (siyosatchi)
Prezident	Shavkat Mirziyoyev
Oʻtmishdoshi	Turobjon Joʻrayev
Vorisi	Adiz Boboyev
Surxondaryo viloyati hokimi
Mansab davri 2016-yil 20-dekabr – 2018-yil 11-iyulgacha
Hukumat boshligʻi	Abdulla Oripov (siyosatchi)
Prezident	Shavkat Mirziyoyev
Oʻtmishdoshi	Tojimurod Mamaraimov
Vorisi	Bahodir Poʻlatov
Navoiy viloyati hokimi
Mansab davri 2008-yil 12-dekabr – 2016-yil 20-dekabrgacha
Hukumat boshligʻi	Shavkat Mirziyoyev Abdulla Oripov (siyosatchi)
Prezident	Islom Karimov Shavkat Mirziyoyev
Oʻtmishdoshi	Bahriddin Roʻziyev
Vorisi	Qobul Tursunov
Shaxsiy maʼlumotlari
Tavalludi	10-iyul 1969-yil (1969-07-10) (56 yosh) Qoʻshrabot tumani, Samarqand viloyati, OʻzSSR
Mukofotlari

Hayoti

Taʼlim

1991-yilda Toshkent xalq xoʻjaligi institutini iqtisodchi mutaxassisligi boʻyicha tamomlagan.

Mehnat faoliyati

1991—1995-yillarda „Oʻzsanoatqurilishbank“ning Sirdaryo filialida boʻlim mutaxasisi, „Oʻzsanoatqurilishbank“ning Zarafshon boʻlimi pul muomalasi boʻlimida bosh mutaxasis, boʻlim boshligʻi oʻrinbosari, Zarafshon boʻlimi boshqaruvchisi, 1995—1996-yillarda Zarafshon shahar hokimining oʻrinbosari, 1996—2000-yillarda Oʻzbekiston Milliy banki Navoiy boʻlimi boshqaruvchisi, 2000—2008-yillarda Navoiy viloyati Xatirchi tumani hokimi, 2008-yilda — Oʻzbekiston Respublikasi Qishloq va suv xoʻjaligi vazirining birinchi oʻrinbosari, 2008-yildan — Oʻzbekiston Respublikasi Oliy Majlisi Senatining Tashqi siyosat masalalari qoʻmitasi aʼzosi. Erkinjon Turdimov 2008—2016-yillarda Navoiy viloyati hokimi, 2009—2016-yillarda xalq deputatlari Navoiy viloyati Kengashi deputati, 2016—2018-yillarda Surxondaryo viloyati hokimi, 2018—2024-yillarda Samarqand viloyati hokimi vazifasida ishlagan. 2025-yil yanvar oyidan Sirdaryo viloyati hokimi lavozimida faoliyat yuritib kelmoqda.

Ommaviy chiqishlari

Erkinjon Turdimov vaqti-vaqti bilan OAV nazariga tushib turadi. Jumladan, 2018-yilda soxta hisobot bergan rahbarlarni jazolashni taklif qilishi.

Barcha jamoada qorovul, farrosh, haydovchi va boshqa texnik xodimlar shtatlari bor. Garchi xizmati muhim bo‘lsa-da, ularga e’tibor yetarli emas. Maoshi juda kam bo‘lgani uchun bu kasb egalari idoraga nomigagina kelib ketadi, sidqidildan ishlamaydi. Ko‘p jamoalarda ularning munosib sharoitda ishlashi, dam olishi uchun imkoniyat yaratilmagan, ish qurollari, maxsus kiyim uchun mablag‘ ajratilmaydi. Bunday toifadagi kishilar bayramlar munosabati bilan rag‘batlantirishda ham esdan chiqib qoladi. Tashkilotlar rahbarlari, kasaba uyushmasi boshlang‘ich tashkilotlari bu masalalarga yil boshida alohida e’tibor qaratib, jiddiy o‘ylab ko‘rsalar maqsadga muvofiq bo‘lardi

— Erkinjon Turdimov,

2019-yilda Turdimov qurilishdagi pinhona kelishuvlar korrupsiyaga yo‘l ochganligi haqida ham gapirib oʻtgan. 2020-yilda Samarqand viloyatida sogʻlom turmush tarzi targʻiboti doirasida viloyatdagi barcha rahbarlarni 10 kun davomida ishga piyoda qatnashga chaqiruvi ham muhokamalar keltirib chiqargan edi.

Mukofotlari

2011-yilda Mehnat shuhrati ordeni bilan mukofotlangan.

Erkinjon Turdimov Afgʻoniston vazirligi medali bilan taqdirlangan. Medalni Afgʻoniston Islom Respublikasi Irshod, haj va vaqf ishlari vaziri Muhammad Qosim Halimiy topshirgan.

2024-yil 24-avgustda Fidokorona xizmatlari uchun ordeni bilan mukofotlangan.