Azərbaycanca (AZ) Azərbaycanca (AZ)Deutsch (DE) Deutsch (DE)English (US) English (US)Қазақша (KZ) Қазақша (KZ)Lietuva (LT) Lietuva (LT)සිංහල (LK) සිංහල (LK)Türkçe (TR) Türkçe (TR)O'zbekcha (UZ) O'zbekcha (UZ)中國人 (CN) 中國人 (CN)
Yordam
Bepul yuklab olish va ma’lumotlar platformasi

Moida surasi (arabcha: سورة المائدة‎‎, nomining maʼnosi — Dasturxon) — Qurʼonning 5-surasi. Madiniy suralardan biri, 120 oyatdan iborat. Bu sura Qurʼonning 106–

Moida surasi

Moida surasi (arabcha: سورة المائدة‎‎, nomining maʼnosi — Dasturxon) — Qurʼonning 5-surasi. Madiniy suralardan biri, 120 oyatdan iborat. Bu sura Qurʼonning 106–127-sahifasida va 6-7-juzida joylashgan. 112-boʻlib nozil boʻlgan.

Anʼom ←   5–sura  → Niso
Moida surasi — سورة المائدة
Qurʼon nusxalaridan biridagi Moida surasi sarlavhasi. Yuqorida oʻngdan: 1. Oyati 120, 2. Markazda qizil rangda sura tartib raqami 5, qora rangda - Moida surasi va Madaniy, qizil rangda nozil boʻlgan tartibi - 112, 3. Rukuʼsi soni - 16; Pastda oʻngdan: 1. Sura:Madaniy, 2. Tilovat tartibi:5, 3. Nozil boʻlish tartibi:112, 4. Rukuʼsi:16, 5. Oyati:120, 6. Porasi (Juzi):6-7 deb koʻrsatilgan.

Suraning arabcha matni
Nomining maʼnosi Dasturxon
Tasnifi Madaniy sura
Statistika
Sahifasi 106–127
Juz 6-7
Sura raqami 5
Oyatlar soni 120
Sajda oyati yoʻq
Rukuʼlar soni 16
Muqattaot harflari yoʻq
Soʻzlar soni 2837
Harflar soni 11 892
Nozil boʻlish tartibi 112
Arabcha matni ar.wikisource.orgda
tanzil.netda
Tarjimalari QuranAcademy.org
quran.uzda
Tilovat tartibi
Anʼom surasi  Keyingisi 5 Oldingisi  Niso surasi
Nozil boʻlish tartibi
Tavba surasi   Keyingisi 112 Oldingisi  Fath surasi
                                   

Asosiy maʼnosi

Qurʼonning eng soʻnggi suralaridan sanaluvchi bu sura Madinada nozil qilingan boʻlib, 120 oyatdan iboratdir. Unda shariat ahkomlari batafsil bayon etilishi bilan birga eʼtiqod mavzusi va ahli kitob haqida ham soʻz yuritiladi. Ushbu surada kishilar oʻrtasidagi aqd (bitim, kelishuv) muomalalari; goʻshti halol boʻlgan hayvonlarni soʻyish masalalari; ov haqidagi hukmlar; haj va umra kabi ibodatlar uchun shart boʻlgan ihrom bayoni; ahli kitoblardan boʻlgan ayollarga uylanish joizligi xususidagi hukmlar; tahorat; oʻgʻrilik, zoʻravonlik va buzgʻunchilik jinoyatlarining jazolari; ichkilik va qimor toʻgʻrisidagi soʻnggi - qatʼiy hukm va shariati islomiyaning yana boshqa koʻpdan koʻp hukm va qonunlari haqida mufassal maʼlumot beriladi.

Bundan tashqari, bu surada bizlarga pand-nasihat va ibrat boʻladigan qissalar hikoya qilinadi. Shunday qissalardan biri Bani Isroilning oʻz paygʻambarlari Muso alayhissalom bilan boʻlgan mojarolari boʻlib, unda yahudiylar iymonsiz va qoʻrqoqliklari sababli paygʻambar soʻziga kirmay, oqibatda qirq yillab choʻl-u sahrolarda sarson-sargardon boʻlib yurganlari aytiladi.

Yana bir qissada esa Odamning ikki farzandi — Qobil va Hobil oʻrtasida boʻlib oʻtgan mujodala — Qobil oʻz birodari Hobilni nohaq oʻldirgani toʻgʻrisida xabar berilib, bu qissa orqali yaxshilik bilan yomonlik oʻrtasidagi doimiy kurash tasvirlanadi. Bu fojia yer yuzidagi nohaq qon toʻkilish fojialarining birinchisi edi.

Yana Iso paygʻambarga berilgan moʻjizalardan biri — osmondan moida (dasturxon) tushgani voqeasi ham borki, suraning "Moida" deb atalishining boisi shudir.

vikipediya, wiki, ensiklopediya, kitob, maqola, o‘qish, bepul yuklab olish, moida surasi haqida ma’lumot. moida surasi nima? moida surasi nimani anglatadi?

Yuqori