Vyacheslav Shevchenko (ukraincha: В'ячеслав Тарасович Шевченко; 1985-yil 30-mayda tugʻilgan) — ukrainalik professional futbolchi. „Dinaz Vishgorod“ klubida huju

Vyacheslav Shevchenko
Shaxsiy maʼlumot
Toʻliq ismi	Vyacheslav Tarasovych Shevchenko
Tavallud sanasi	30-may 1985-yil (40 yosh)
Tavallud joyi	Xerson viloyati, Ukraina SSR, Sovet Ittifoqi
Boʻyi	1.84 m (6 ft 1⁄2 in)
Ampluasi	Hujumchi
Yoshligida aʼzo boʻlgan klublar
2000–2001	UFK Lviv
2001	Knyazha Shchaslyve
Professional faoliyati*
Yillar	Jamoa
2001—2003	FC Borysfen Boryspil
2001—2003	FC Borysfen-2 Boryspil
2003	FC Torpedo-Metalurg Moscow
2006	FC Stal Dniprodzerzhynsk
2007	FC Illichivets Mariupol
2008	FC Feniks-Illichovets Kalinine
2008—2011	FC Stal Alchevsk
2011—2013	PFC Oleksandria
2014	Lokomotiv
2014	Birkirkara F.C.
2015—2016	Qizilqum
2017	FK Ogre
2017—2018	FC Viktoriya Mykolaivka
2020	FC Dinaz Vyshhorod
	*Professional klublardagi gollari (ichki chempionat); (2019-yil 31-dekabr uchun)

Vyacheslav Shevchenko (ukraincha: В'ячеслав Тарасович Шевченко; 1985-yil 30-mayda tugʻilgan) — ukrainalik professional futbolchi. „Dinaz Vishgorod“ klubida hujumchi oʻynaydi.

Futbolchilik faoliyati

U Ukraina terma jamoasi sobiq hujumchisi Andrey Shevchenkoning jiyani. 1985-yil 30-mayda Skadovsk shahrida tugʻilgan. Boshlangʻich futbol mashgʻulotlari havaskor SC „Ingvar“ (Skadovsk) murabbiy Igor Chernishev boshchiligida oʻtkazgan.

Futbolchi sifatida faoliyatini Borisfenda boshlagan, ammo asosiy jamoada oʻz oʻrniga ega boʻlmagan. 2003-yilda „Torpedo-Metallurg“ safida Rossiya chempionatida 1 ta oʻyin oʻtkazdi. 2006-yilda Dneprodzerjinskdan „Stal“ga oʻtdi. Biroq u yerda ham asosiy tarkib oʻyinchisi boʻla olmadi. 2007-yilda Ilyichevetsga oʻtdi. Klubda 2007-yil 25-mayda Oliy ligada Donetskning „Metallurg“ klubiga qarshi oʻyinida 70-daqiqada zaxiradan maydonga tushib, debyut qildi. Oʻsha oʻyin Ilyichevetsdagi yagona oʻyini boʻlib qoldi. 2008-yil 18-martda Feniks-Ilyichevetsda debyut qildi va oʻsha uchrashuvda sobiq jamoasi darvozasiga gol urdi. Vyacheslav Shevchenko keyingi mavsumni Alchevskning „Stali“ jamoasida boshladi.

2011-yil yanvar oyida Luganskning Zorya klubiga koʻrikka keldi. Ammo transfer amalga oshmadi. 120 ming dollar evaziga Aleskandariyaga oʻtdi. Jamoadagi debyutini 2011-yil 20-mart kuni Xarkovning „Gelios“ jamoasiga qarshi o‘yinda o‘tkazgan. 2011-yilning 16-iyulida 57-daqiqada zaxiradan maydonga tushib, Aleksandriya safida Ukraina Premyer-ligasida birinchi o‘yinni o‘tkazdi. 2012-yil 21-iyul kuni Ohtrikada „Neftyanik-Ukrnafta“ga qarshi o‘yinda xet-trik qayd etdi.

2013-yilda Ujgorodning Goverla va Ozarbayjon klublarida sinovdan o‘tdi, ammo ikkala klub bilan shartnoma imzolay olmadi. Keyin Aleksandriyaga qaytdi va u yerda 5 ta o‘yin o‘tkazib, 2 ta gol urdi. Birinchi davra yakunlangach, Oʻzbekiston chempionatiga yoʻl oldi. 2014-yilning yanvar oyida Toshkentning „Lokomotiv“ klubi bilan shartnoma imzoladi. 2014-yilning fevral oyida Toshkentning „Lokomotiv“ jamoasi bilan Osiyo chempionlar ligasida debyut qilgan.

2014-yilning iyul oyida klub rahbariyati bilan oʻzaro kelishuvga koʻra u „temiryoʻlchilar“ klubini tark etdi. Shu yilning sentyabr oyida Birkirkara bir mavsumga uzaytirish huquqi bilan bir yilga shartnoma imzoladi. Shevchenko bor-yo‘g‘i 4 ta o‘yin o‘tkazib, klubni tark etdi. 2015-yilda „Qizilqum“ klubi bilan shartnoma imzolab, O‘zbekiston chempionatiga qaytdi. Klubda 2 mavsum o‘ynadi. 2017-yil Latviya chempionatining birinchi ligasi vakili „Ogre“ klubiga oʻtdi.