Sergey Brin

Sergey Mixaylovich Brin (ruscha: Сергей Михайлович Брин ; 1973-yil 21-avgustda tugʻilgan) – Google kompaniyasiga Larry Page bilan birgalikda asos solgan amerikalik tadbirkor. Brin 2019-yil 3-dekabrgacha Alphabet Inc prezidenti boʻlgan. Page Alphabet shirkatida hammuassis, nazorat qiluvchi aksiyador va boshqaruv kengashi aʼzosi sifatida qolmoqda. Brin Bloomberg milliarderlar indeksining 2023-yil dekabrdagi tahliliga koʻra, 114 milliard dollarga teng boyligi bilan dunyodagi eng badavlat kishilar roʻyxatida 10-oʻrinni egalladi.

Sergey Brin
Brin 2010-yilgi TED anjumanida
Tavalludi	Sergey Mixaylovich Brin 21-avgust 1973-yil (1973-08-21) (52 yosh) Moskva, RSFSR, Sovet Ittifoqi
Fuqaroligi	AQSh
Taʼlimi	Maryland universiteti (bakalavr) Stanford universiteti (magistr)
Kasbi	tadbirkor dasturchi
Turmush oʻrtogʻi	Anne Wojcicki (turm. 2007; ajr. 2015) Nicole Shanahan (turm. 2018; ajr. 2021)
Bolalari	3ta
Otasi	Mixail (Moshe) Brin
Onasi	Yevgeniya Brin
Imzosi

Brin olti yoshligida oilasi Sovet Ittifoqidan AQShga koʻchib kelgan. U bakalavr darajasini Merilend universitetida oldi va otasining izidan borib, kompyuter muhandisligini oʻrgandi. Oʻqishni tugatgandan soʻng, u kompyuter fanlari boʻyicha doktorlik darajasini olish uchun Stenford universitetiga oʻqishga kirdi. Universitetda Larry Page bilan tanishgan va birgalikda veb-qidiruv tizimini yaratgan. Dastur Stenfordda mashhur boʻldi va ular Menlo Parkdagi Susan Wojcickining garajida Googleni ishga tushirishgan. Buning uchun doktorlik ishidan voz kechishga majbur boʻlishgan.

Bolaligi va taʼlim

Sergey Mixaylovich Brin 1973-yil 21-avgustda Sovet Ittifoqining Moskva shahrida rossiyalik yahudiylar Mixail va Yevgeniya Brin oilasida tugʻilgan. ularning ikkisi ham Moskva davlat universiteti (MDU) bitiruvchilaridir. Otasi Merilend universitetida matematika fanlari professori, onasi esa NASAning Goddard kosmik parvozlar markazida tadqiqotchi.

Brinlar oilasi birga Moskva markazidagi uch xonali kvartirada yashagan. 1977-yilda Polshaning Varshava shahrida boʻlib oʻtgan matematika boʻyicha konferensiyadan qaytgach, Mixail Brin oilaning Sovet Ittifoqidan ketish vaqti kelganini eʼlon qildi. 1978-yil sentyabrda rasmiy ravishda mamlakatdan chiqish uchun ruxsat soʻragan, natijada „zudlik bilan ishdan boʻshatilgan“. Shu bilan bogʻliq sabablarga koʻra onasi ham ishini tark etishga majbur boʻldi. Keyingi sakkiz oylik hayoti davomida barqaror daromadsiz qolgan. Vaqtinchalik ishlarni qilishga majbur boʻldi. 1979-yil may oyida ularga rasmiy chiqish vizalari berildi va mamlakatni tark etishga ruxsat berildi.

Brinlar oilasi Vena va Parijda yashagan, Mixail Brin esa Anatol Katok yordamida Merilend universitetida oʻqituvchilik qilgan. Bu vaqt ichida Brinlar oilasi Ibroniy Immigratsion Yordam Jamiyatidan yordam oldi. Ular 1979-yil 25-oktyabrda AQShga yetib kelishdi.

Brin Merilend shtatining Adelfi shahridagi Paint Branch Montessori maktabida boshlangʻich taʼlimni va uyida qoʻshimcha taʼlimni oldi. Otasi bu vaqtda Merilend universitetining matematika kafedrasi professori edi va Sergeyni matematika fanlarini oʻrganishga undagan. Oilasi unga rus tilidagi koʻnikmalarini saqlab qolishga yordam bergan. U Merilend shtatidagi Eleanor Ruzvelt oʻrta maktabida oʻqigan. 1990-yil sentyabrda Brin Merilend universitetiga oʻqishga kirdi va 1993-yilda, 19 yoshida kompyuter fanlari boʻyicha bakalavr darajasini oldi. 1993-yilda Mathematica dasturini ishlab chiquvchi Wolfram Research kompaniyasida amaliyot oʻtkazdi.

Brin Stenford universitetida kompyuter fanlari boʻyicha aspiranturada oʻqishni, bir vaqtda Milliy fan fondi aspiranturasida oʻqishni boshladi. 1995-yilda kompyuter fanlari boʻyicha magistr darajasini oldi.

Qidiruv tizimini rivojlantirish

Stenfordda yangi talabalar uchun ilk anjuman paytida Larry Page bilan tanishdi. Ikkovlon turli mavzularda bahs-munozara qilgandan soʻng, „hamfikr va yaqin doʻst“ boʻlishdi. Brin asosiy eʼtiborni maʼlumotlarni qayta ishlash tizimlarini ishlab chiqishga qaratgan boʻlsa, Page maqolalardagi iqtiboslardan tadqiqot ishining ahamiyatini aniqlash konsepsiyasini kengaytirishga qaratilgan edi. Ular birgalikda „katta miqyosdagi gipermatnli veb-qidiruv tizimining tuzilishi“ nomli ilmiy maqola yaratishdi.

„BackRub“ veb-brauzeri tomonidan toʻplangan havola maʼlumotlarini maʼlum bir veb-sahifa uchun muhimlik oʻlchoviga aylantirish uchun, Brin va Page „PageRank“ algoritmini ishlab chiqishdi va undan oʻsha paytda mavjud boʻlganlaridan ancha afzaloq qidiruv tizimini yaratish uchun foydalanish mumkinligini anglashgan. Yangi algoritm bir veb-sahifani boshqasiga bogʻlaydigan havolalarning ahamiyatini tahlil qiladigan, sahifaning darajasini aniqlash uchun havolalar soni va ularning darajasini aniqlashga imkon beruvchi yangi turdagi texnologiyaga tayandi. Oʻz gʻoyalarini birlashtirib, ular Page yotoqxonasidan mashina laboratoriyasi sifatida foydalanishni boshlashdi. Yangi paydo boʻlgan qidiruv tizimini Stenfordning keng polosali kampus tarmogʻiga ulash uchun foydalaniladigan qurilma yaratish maqsadida, arzon kompyuterlardan ehtiyot qismlarni olishdi.

Page va Brin foydalanuvchilar uchun oddiy qidiruv sahifasini yaratishda, asosiy HTML dasturlash koʻnikmalaridan foydalanishgan. chunki ularda vizual tarzda ishlab chiqilgan veb-sahifa ishlab chiqaruvchisi yoʻq edi. Ular, shuningdek, bir nechta foydalanuvchilarning qidiruvlarini boshqarish uchun kerakli hisoblash quvvatini yigʻish imkoniyati ustida ishlashdi. Topishlari mumkin boʻlgan har qanday kompyuter qismidan foydalanishni boshladilar. Ularning qidiruv tizimi Stenford foydalanuvchilari orasida mashhurligi oshgani sayin, soʻrovlarni qayta ishlash uchun qoʻshimcha serverlar kerak boʻldi. 1996-yil avgust oyida Google-ning dastlabki versiyasi Stenford veb-saytida paydo boʻldi.

1997-yil boshida BackRub sahifasi tizimni quyidagicha tasvirlagan:

 

PageRank algoritmi oʻzaro bogʻlangan matematik veb-sayt, doiralarning oʻlcham-foiz nisbati bilan tasvirlangan. Algoritm Peyjning oʻzi sharafiga nomlangan.

: Baʼzi statistik maʼlumotlar (1996-yil 29-avgustdan): Jami indekslanadigan HTML URL manzillari: 75 million: Yuklab olingan jami kontent: 207 gigabayt

…

BackRub Java va Python tillarida yozilgan, Linux bilan ishlaydigan bir nechta Sun Ultras va Intel Pentiumlarda ishlaydi. Asosiy maʼlumotlar bazasi 28 Gb diskli Sun Ultra II seriyasida saqlanadi. Skott Hassan va Alan Steremberg buni amalga oshirishda juda koʻp yordam koʻrsatdi. Sergey Brin ham juda faol ishtirok etdi. Ular koʻp rahmatlarga loyiqdir.

 – Larry Page page cs.stanford.edu BackRub allaqachon qidiruv tizimining oddiy funksiyalari va xususiyatlarini namoyish etgan: soʻrov kiritiladi va tizim uning muhimligi boʻyicha qayta havolalar roʻyxatini tuzadi. Page shunday deb esladi: „Bizda soʻrov vositasi borligini angladik. Bu sizga sahifalarning yaxshilkangan umumiy reytingini va keyingi sahifalar tartibini beradi.“ Pagening aytishicha, 1998-yil oʻrtalarida ular nihoyat oʻz loyihasining keyingi imkoniyatlarini anglab yetishgan: „Tez orada biz kuniga 10000 ta qidiruvga ega boʻldik. Bu ham haqiqatdir“.: Baʼzilar Peyj va Brinning qarashlarini zamonaviy matbuot ixtirochisi Johannes Gutenbergning taʼsiri bilan solishtirgan.: Taqqoslash Google Story mualliflari tomonidan ham qayd etilgan: „har qanday yangi ixtironi qadrlaydigan odamlarga kuch berdi va maʼlumotlarni olish huquqini Google kabi chuqur oʻzgartirdi“. Shuningdek, ikkalasi „veb-qidiruvlar uchun yangi dasturni tayyorlaganlaridan koʻp oʻtmay, ular mavjud boʻlgan kitoblarni raqamlashtirish va sogʻliqni saqlash tizimini raqamlashtirish kabilar haqida oʻylay boshladilar“.

Boshqa manfaatlar

2008-yil iyun oyida Brin Virjiniyada joylashgan Space Adventures kosmik sayyohlik kompaniyasiga 4,5 million dollar sarmoya kiritdi.

Brin va Page birgalikda Boeing 767–200 hamda Dassault/Dornier Alpha Jet samolyotlariga egalik qiladilar. Ularni taʼminoti uchun yiliga 1,3 million dollar toʻlaydilar. Moffett Federal aerodromida Google rahbarlariga tegishli ikkita Gulfstream V samolyoti ham bor. Samolyotda parvoz paytida eksperimental maʼlumotlarni toʻplash uchun NASA tomonidan oʻrnatilgan uskunalar mavjud.

Brin dirijabl ishlab chiqaruvchi LTA Research & Exploration LLC kompaniyasiga qiziqish bildirgan.

Shaxsiy hayoti

Brin yahudiy boʻlgan, ammo hozir dindor emas.

2007-yil may oyida Brin Bagam orollarida biotexnologiya boʻyicha tahlilchi va tadbirkor Anna Voyjitskiga uylandi. 2008-yil oxirida oʻgʻil, 2011-yil oxirida esa qiz farzand koʻrdi. 2013-yil avgust oyida Google Glass marketing direktori Amanda Rozenberg bilan nikohdan tashqari aloqada boʻlganidan keyin Brin va uning rafiqasi alohida yashayotgani maʼlum boʻldi. 2015-yil iyun oyida ular ajrashishdi.

2018-yil 7-noyabrda Legal tech tizimi asoschisi Nikol Shanahanga uylandi. Ularning 2018-yil oxirida tugʻilgan qizi bor. Brin va Shanaxan 2022-yil 4-yanvarda ajrashishdi.

Brinning onasi Yevgeniyaga Parkinson kasalligi tashxisi qoʻyilgan. 2008-yilda u onasi davolangan Merilend universiteti tibbiyot fakultetiga xayriya qilishga qaror qildi. Forbes maʼlumotlariga koʻra, Brin kasallik boʻyicha tadqiqotlarni moliyalashtirish uchun 1 milliard dollardan ortiq xayriya qilgan.

Brin va Voychicki, ajrashgan boʻlsalar ham, Brin-Voychicki fondini birgalikda boshqarishadi. Ular Maykl J. Foks jamgʻarmasiga koʻp miqdorda xayriya qilishgan va 2009-yilda ibroniy Immigrantlarga yordam berish jamiyatini qoʻllab-quvvatlash uchun1 million dollar berishgan.

Brin Demokratik partiya nomzodlari va tashkilotlariga xayriya qilgan. Barak Obamaning qayta saylanish kampaniyasiga 5000 dollar va Demokratiya qoʻmitasiga 30800 dollar xayriya qilgan.

CNBC maʼlumotlariga koʻra, Brin oʻgʻli bilan Ethereum qazib olish uchun oʻyin kompyuterini qurgandan soʻng, blokcheyn texnologiyasiga qiziqib qolgan.

Yil	Boyligi Forbes (milliard $)	„Amerikaning eng boy odamlari“ roʻyxatidagi oʻrni
2004	4,0	43
2005	11,0	16
2006	14,1	12
2007	16,6	26
2008	18,7	13
2009	15,3	11
2010	15	11
2013	33,4	14