Jahongir Ortiqxoʻjayev

Vikipediyada ismi Jahongir va familiyasi Ortiqxoʻjayev boʻlgan boshqa kishilar haqida ham maqolalar mavjud.

Jahongir Ortiqxoʻjayev – Toshkent shahrining sobiq hokimi. „J-United Group“ kompaniyalar guruhining (Akfa, Imzo-Akfa, Tashkent city, Oqtepa – sohil boʻyi, Choshtepa turar- joy, Artel, Discovery Invest, Grand Road Tashkent, DreamCity Development, Stargate systems, Prime tower group, Obod shahar qurilish, Jako, Lucem, MediaPark, Atlas, EcoBozor, Senior & Seniorita, Vesta Electric, Royal sun-panel, Amilov, Autograph Gallery, Benkam (Navoiy) , BizDoner, Qanotchi, Engelberg, Airfel, KFC, Lider-line, Gold aluminium-plastic Co, Zomin sunrise, Zoʻr TV telekanali, Multi-mafe, Avalon brendlarini oʻz ichiga oladi) asoschisi, 2018-yil 21-dekabrdan 2023-yil 16-yanvarigacha Toshkent shahar hokimi boʻlgan.

Jahongir Ortiqxo’jayev
Toshkent shahri hokimi
Mansab davri 2018-yil 21-dekabrdan (2018-yil 26-apreldan v.b.) – 2023-yil 16-yanvargacha
Hukumat boshligʻi	Abdulla Aripov
Prezident	Shavkat Mirziyoyev
Oʻtmishdoshi	Rahmonbek Usmonov
Vorisi	Bahtiyor Rahmonov
Shaxsiy maʼlumotlari
Tavalludi	2-yanvar 1975-yil (1975-01-02) (51 yosh)
Kasbi	iqtisodchi
Maʼlumoti	Toshkent davlat iqtisodiyot universiteti
Mukofotlari

Biografiyasi

1975-yil 2-yanvarda tugʻilgan. Millati – oʻzbek.

1991—1996-yillarda Toshkent davlat iqtisodiyot universitetida tahsil olgan.

2011-yildan 2017-yilgacha Artel Engineering kompaniyasiga rahbarlik qilgan.

2017—2018-yillarda Oʻzbekiston Respublikasi Vazirlar Mahkamasi huzuridagi Tashkent City xalqaro ishbilarmonlik markazi obyektlarni qurish va ulardan foydalanish davlat unitar korxonasi direktori lavozimida ishlagan.

2020-yildan – Oʻzbekiston yoga federatsiyasi prezidenti.

2018-yil 21-dekabrdan 2023-yil 16-yanvargacha Toshkent shahar hokimi vazifasida faoliyat yuritgan.

2018-yil 14-sentyabrida Ortiqxoʻjayev Oʻzbekiston Respublikasi Oliy Majlisi Senati aʼzosi etib saylangan. 2023-yil 30-yanvar kuni senatorlar qatoridan chiqarildi.

Mukofotlari

2015-yilda Doʻstlik ordeni bilan taqdirlandi.

2021-yilda Oʻzbekistonda xizmat koʻrsatgan quruvchi faxriy unvonini oldi.

Indidentlar

16 noyabr 2019 yili ushbu hokimning ovozli soʻzlashuvlari internetda paydo bo'ldi va u yerda blogger va jurnalistlarni 6 soniya ichida besoqolbozlikka chiqarishga va'da berdi va bu xalq noroziligini keltirib chiqardi.

Oilasi

Turmush oʻrtogʻi – Nigora Ortiqxoʻjayeva, „J-United Group“ kompaniyalar guruhining ayni paytdagi boshqaruvchisi. 5 nafar farzandi bor: Zulfiya, Iroda, Robiya, Komila, Adnan.

Qizi – Iroda, Oʻzbekiston Prezidentining sobiq maslahatchisi Abdujabbor Abduvohidovning oʻgʻliga turmushga chiqqan.

Qizi – Komila, 2021-yilda turmushga chiqqan, „Ocard“ MChJ (Ocard va Blanc Bleu brendlari ostidagi ichimlik suvi ishlab chiqaruvchi korxona) rahbari.