Anatoliy Qobulov

Anatoliy Zuhurovich Qobulov (1934.14.2, Toshkent – 2003.29.7, Moskva) – rejissyor, aktyor. Oʻzbekiston xalq artisti (1987). Toshkent davlat teatr va rassomlik sanʼati institutini tugatgan (1957). 1958—1960-yillar „musiqali drama“ kafedrasini boshqargan. Ayni vaqtda Oʻzbek davlat estradasi bosh rejissyori, Hamza teatrining sahnalashtiruvchi rejissyori sifatida faoliyat yuritgan. Hamza teatrida „Imon“ (I.Sulton), „Olma gullaganda“ (O.Yoqu-bov), „Shubha“ (Uygʻun), „Assalom, yulduzlar“, „Faust va oʻlim“ (Levada) kabi spektakllar, Oʻzbekiston rus drama teatrida „Tosh uy“, Berdaq nomidagi teatrda „Levyanixa orbitada“ spektakllarini sahnalashtirgan. 1964-88 yillar „Oʻzbekfilm“ da rejissyor, 1988—1998-yillarda „Nashtar“ satirik kinojurnalida bosh muharrir, rejissyor, aktyor. 1986—2002-yillar Toshkent sanʼat instituti professor „Uyimga kir“, „Yoz yomgʻiri“, „Sen mening qoʻshigʻimsan“, „Boʻysunmas“, „Jontoy qasa-mi“ kabi badiiy, „Yangi yil bilan“ televizion, „Halima Nosirova“ kabi hujjatli filmlar yaratgan. „Rahim va qoʻngʻiz“, „Dovyurak musiqa“ kabi multiplikatsion filmlarning ssenariysini, „Folbin kim“, „Choʻpon va goʻzal malika haqida ertak“ va boshqa pyesalar yozgan. „Fidoiy“, „Oydin sahifa“, „Chinor“ kabi filmlarda suratga tushgan. Soʻz ustasi sifatida ham faoliyat yuritgan. Hamza nomidagi Oʻzbekiston Davlat mukofoti laureati (1983).

Anatoliy Qobulov
Tavalludi	14-fevral 1934-yil Toshkent, Oʻzbekiston SSR
Vafoti	31-iyul 2003-yil(2003-07-31) (69 yoshda) Moskva, Rossiya
Fuqaroligi	SSSR → Rossiya
Taʼlimi	Toshkent teatr va rassomlik instituti
Kasbi	Kinorejissyor, aktyor, ssenarist
Faoliyat yillari	1955—1991
Unvoni	Oʻzbekiston SSRda xizmat koʻrsatgan artist
Mukofotlari	,

Mukofotlari

• Oʻzbekiston SSRda xizmat koʻrsatgan artist: 1973
• Hamza nomidagi Oʻzbekiston SSR Davlat mukofoti: 1983

Adabiyotlar

• „Кабулов Анатолий Зухурович“, Режиссёры советского художественного кино, 500 экз, М., 1983 — 37—38-bet.