UEFA Yevro 2024 (inglizcha: 2024 UEFA European Football Championship yoki EURO 2024, olmoncha: 2024 UEFA-Fußball-Europameisterschaft ) — Futbol boʻyicha oʻn yet

UEFA Yevro 2024
Fußball-Europameisterschaft 2024; (olmoncha)
	; ; United by Football.; Vereint im Herzen Europas.; (Yevropaning yuragida birlashgan.)
Umumiy maʼlumotlar
Mezbon davlat	Germaniya
Sana	14-iyun–14-iyul
Jamoalar	24
Bellashuv joylari	10 (10 ta shaharda)
Yakuniy natijalar
Chempionlar	Ispaniya
2-oʻrin	Angliya
Statistika
Oʻyinlar soni	51
Gollar soni	117 (har oʻyinda oʻrtacha 2.29 ta)
Muxlislar soni	2 681 288 (har oʻyinda oʻrtacha 52 574 ta)
Toʻpurar(lar)	Olti futbolchi; (Har birida 3 tadan gol)
Eng yaxshi oʻyinchi	Rodri
Eng yaxshi yosh oʻyinchi	Lamine Yamal
Avvalgisi	2020
Keyingisi	2028

UEFA Yevro 2024 (inglizcha: 2024 UEFA European Football Championship yoki EURO 2024, olmoncha: 2024 UEFA-Fußball-Europameisterschaft ) — Futbol boʻyicha oʻn yettinchi Yevropa chempionati. Musobaqa 2024-yilning 14-iyunidan 2024-yilning 14-iyuligacha Germaniyada oʻtkazilgan. Musobaqa gʻolibi 2025-yilgi KONMEBOL – UEFA Chempionlar Kubogida 2024-yilgi Amerika Kubogi g'olibiga qarshi bahs olib boradi. Turnirda 24 ta jamoa gʻoliblik uchun kurash olib boradi. Gruziya terma jamoasi oʻz tarixida ilk bor Yevropa chempionatida ishtirok etgan.

Germaniya uchinchi marta Yevropa chempionatiga mezbonlik qiladi. 1988-yilgi Yevropa chempionati G'arbiy Germaniyada oʻtkazilgan. Yevro-2020ning (2020-yilgi Yevropa chempionati oʻyinlari 11 ta davlat hududida oʻtkzilgan) to'rtta o'yini Münchenda o'tkazilgan. 2006-yilgi jaahon chempionatidan keyin Germaniya mezbonligida bu darajadagi yirik musobaqa oʻtkazilmagan.

Italiya Yevropaning amaldagi chempioni hisoblanadi. Italiya terma jamoasi 2020-yilgi turnir finalda Angliyani penaltilar seriyasida magʻlub etgan.

Turnir mezbonini aniqlash

Kubok

2017-yil 8-mart kuni UEFA Germaniya va Turkiya davlatlari musobaqani oʻtkazish istagi borligi haqida maʼlum qilganligini ommaga ochiqlagan.

Mezbon UEFA Ijroiya qoʻmitasi tomonidan yashirin ovoz berish yoʻli bilan tanlab olingan. Turninr mezbonligini qoʻlga kiritish uchun moxfiy ovoz berish jarayonida eng koʻp ovoz toʻplash talab etilgan. Agar ovozlar teng bo'lib qolsa, yakuniy qaror UEFA prezidenti Aleksandr Cheferin tarafidan eʼlon qilinishi koʻzda tutilgan edi. UEFA Ijroiya qo'mitasidagi 20 a'zodan Reinhard Grindel (Germaniya) va Servet Yardımcı (Turkiya) mezbonlikka daʼvogar ikki davlatdan boʻlgani sababli ovoz berish jarayonida ishtirok etmagan. Lars-Christer Olsson (Shvetsiya) esa betobligi tufayli mazkur jarayonda qatnasha olmagan. Jami 17 kishi Yevropa chempionati mezbonini aniqlash uchun oʻtkazilgan ovoz berish jarayonida ishtirok etgan.

Mezbon 2018-yil 27-sentabr kuni Shveysariyaning Nyon shahrida aniqlangan. Germaniya dastlab Yevro-2020ga to'liq mezbonlik qilishni rejalashtirgan edi. Ammo 2012-yil may oyiga qadar bu masalada hech qanday harakat amalga oshirmagan.

Ovoz berish natijalari
Mamlakat	Ovozlar
Germaniya	12
Turkiya	4
Betaraf	1
Jami	17

Joylar

Germaniya hududida Yevropa chempionati o'yinlarini oʻtkazish uchun talabga (minimal sig'im: 30.000 kishi) javob beradigan koʻplab stadionlar mavjud edi.

Yevro-2024 uchun tanlangan o'nta maydondan to'qqiztasida (Berlin, Dortmund, München, Kyoln, Stuttgart, Gamburg, Leipzig, Frankfurt va Gelsenkirchen shaharlaridagi stadionlar) JCh-2006 oʻyinlari oʻtkazilgan. Düsseldorf shahridagi stadiondan 2006-yilda foydalanilmagan, lekin 1974-yilgi jahon chempionati va Yevro-1988ning bir nechta oʻyinlari mazkur stadionda oʻtkazilgan. 2006-yilgi jahon chempionatiga mezbonlik qilgan Hannover, Nyurnberg va Kaiserslautern shaharlaridagi stadionlardan bu chempionat uchun foydalanilmaydi. Shuningdek, München, bir nechta davlat mezbonligida oʻtkazilgan Yevro-2020 turniriga mezbonlik qilgan shaharlardan hisoblanadi. Bu shaharda to'rtta o'yin (uchtasi Germaniya ishtirokida) oʻtkazilan va mazkur bahslarga COVID-19 cheklovlari tufayli juda kam tomoshabin tashrif buyurgan.

Bremen va Mönchengladbachdagi stadionlar Yevro-2024ni oʻtkazish uchun tanlangan staqdionlar qatoriga kiritilmagan. Joylar Germaniyaning katta qismini qamrab olgan. Yevro-2024 musobaqasi oʻtkaziladigan joylar soni eng koʻp boʻlgan hudud Shimoliy Reyn-Vestfaliya shtatidagi Rhine-Ruhrr metropolitan mintaqasi hisoblanadi. Oʻnta mezbon shahardan toʻrttasi (Dortmund, Düsseldorf, Gelsenkirchen va Kyoln) mazkur hududda joylashgan.

Berlin	München	Dortmund	Stuttgart
Olympiastadion	Munich Football Arena	BVB Stadion Dortmund	Stuttgart Arena
Sigʻimi: 70,000	Sigʻimi: 66,000	Sigʻimi: 62,000	Sigʻimi: 51,000

Gelsenkirchen	Berlin München Dortmund Gelsenkirchen Stuttgart Hamburg Düsseldorf Cologne Frankfurt Leipzig class=notpageimage\| UEFA Yevro-2024 musobaqasi oʻtkaziladigan shaharlarning joylashuvi.		Frankfurt
Arena AufSchalke			Frankfurt Arena
Sigʻimi: 50,000			Sigʻimi: 47,000

Hamburg	Düsseldorf	Cologne	Leipzig
Volksparkstadion	Düsseldorf Arena	Cologne Stadium	Leipzig Stadium
Sigʻimi: 49,000	Sigʻimi: 47,000	Sigʻimi: 43,000	Sigʻimi: 40,000

Jamoalar bazalari

Har bir terma jamoaga musobaqa davomida istiqomat qilish va mashgʻulot oʻtkazish uchun alohida hudud ajratilgan.

Jamoa	Shahar	Mashgʻulot maydoni
Albaniya	Kamen	SportCentrum Kaiserau [de]
Avstriya	Berlin	Mommsenstadion
Belgiya	Ludwigsburg	Wasenstadion, SGV Freiberg am Neckar
Xorvatiya	Neuruppin	Volksparkstadion [de], MSV Neuruppin
Chexiya	Hamburg	Edmund-Plambeck-Stadion [de], FC Eintracht Norderstedt 03
Daniya	Freudenstadt	Hermann-Saam-Stadion
Angliya	Blankenhain	Golfresort Weimarer Land
Fransiya	Bad Lippspringe	Home Deluxe Arena, SC Paderborn 07
Gruziya	Velbert	Stadion Velbert, SSVg Velbert
Germaniya	Herzogenaurach	Adidas Campus/HomeGround
Vengriya	Weiler-Simmerberg	Tannenhof Resort, Sport & Spa
Italiya	Iserlohn	Hemberg-Stadion
Niderlandiya	Wolfsburg	AOK Stadion [de], VfL Wolfsburg (women)
Polsha	Hannover	Eilenriedestadion
Portugaliya	Harsewinkel	Hotel-Residence Klosterpforte Marienfeld / Sports grounds
Ruminiya	Würzburg	Akon Arena, FC Würzburger Kickers
Shotlandiya	Garmisch-Partenkirchen	Stadion am Gröben
Serbiya	Augsburg	Rosenaustadion, FC Augsburg (Women)
Slovakiya	Mainz	Bruchwegstadion, 1. FSV Mainz 05
Sloveniya	Wuppertal	Stadion am Zoo, Wuppertaler SV
Ispaniya	Donaueschingen	Der Öschberghof
Shveysariya	Stuttgart	Gazi-Stadion auf der Waldau
Turkiya	Barsinghausen	Sporthotel Fuchsbachtal [de]
Ukraina	Wiesbaden	Stadion am Halberg

Chiptalarni rasmiylashtirish

O'yinlar uchun chiptalar UEFA ning rasmiy veb-saytida sotiladi. Shuningdek, 24 ishtirokchi mamlakatlarning futbol assotsiatsiyalari tomonidan ham tarqatiladi. Chiptalar sotuvi 2023-yil 3-oktabrda boshlangan. Turnirning 51 ta o‘yini uchun 2,7 million chiptaning 80 foizdan ortig‘i ishtirokchi jamoalar muxlislari va keng jamoatchilikka taqdim etilgan. Har bir ishtirokchi jamoa muxlislari uchun guruh bosqichi o‘yinlariga 10 000 ta, 1/8 final va chorak final o‘yinlari uchun 6 000 ta, yarim final uchun 7 000 ta, final o‘yini uchun 10 000 ta chipta ajratilgan. 206 ta davlatdan 50 milliondan ortiq ariza kelib tushgan. Germaniya muxlislaridan tashqari, chipta uchun eng ko'p soʻrovlar UEFAga Turkiya, Vengriya, Angliya, Albaniya va Xorvatiya terma jamoasining muxlislari tarafidan yuborilgan. Narxlar 30 yevrodan (guruhdagi o‘yinda darvoza ortidagi oʻrindiq uchun) 1000 yevrogacha (finaldagi markaziy tribunadagi oʻrindiq uchun).

Saralash bosqichi

Yevro-2024 yoʻllanmasini qoʻlga kiritgan jamoa

Saralashdan oʻta olmagan jamoa

Musobaqadan chetlashtirilgan jamoa

UEFA aʼzosi boʻlmagan jamoa

Mezbon sifatida Germaniya avtomatik tarzda turnirga yo‘llanmani qoʻlga kiritdi. Qolgan 23 ta jamoa saralash turniri orqali aniqlab olindi; 10 ta saralash guruhi g'oliblari va ikkinchi o'rinlarin sohiblari to'g'ridan-to'g'ri yoʻllanmani qoʻlga kiritishdi. Qolgan uchta jamoa esa pley-off orqali aniqlandi. Pley-off o'yinlarida ishtirok etish imkoniyati UEFA Millatlar ligasining 2022—2023-yilgi mavsumida eng yaxshi natija ko'rsatgan, lekin saralash turniri orqali 2024-yilgi Yevropa chempionatiga yoʻllanmani qoʻlga kirita olmagan jamoalarga berildi. 2022-yil 9-oktabr kuni Frankfurtdagi Festhalle nomli arenada Yevro-2024 saralash turnirining guruh bosqichiga qurʼa tashlash marosimi bo'lib o'tgan. Guruh bosqichi 2023-yilning martidan noyabrigacha, uchta pley-off oʻyinlari esa 2024-yilning mart oyida oʻtkazilgan.

Musobaqada ishtirok etish huquqini qoʻlga kiritgan jamoalar

Turnirda ishtirok etish huquqini qo‘lga kiritgan 24 ta jamoadan 19 tasi avvalgi musobaqada ishtirok etgan. Ular orasida amaldagi chempion Italiya va ikkinchi o‘rin sohibi Angliya, shuningdek, 2022-yilgi jahon chempionatida ikkinchi o‘rinni egallagan Fransiya va bronza medali sohibi Xorvatiya ham bor. Portugaliya saralash bosqichidan yo'qotishlarsiz (hamma o'yinda g'alaba) o'tgan yagona jamoa bo'ldi. Fransiya, Angliya, Belgiya, Vengriya va Ruminiya terma jamoalari ham saralash bosqichini mag'lubiyatsiz yakunlashgan.

Albaniya va Ruminiya terma jamoalari Yevro-2020ni o'tkazib yuborganidan so'ng, yana yirik turnirda ishtirok etish imkonini qo'lga kiritdi. Serbiya va Sloveniya termalari Yevro-2000dan keyin ilk marta mazkur musobaqada ishtirok etadigan bo'lishdi. Serbiya terma jamoasi Serbiya va Chernogoriya alohida davlatga aylanganidan beri ilk marta saralash bosqichidan o'tishga muvaffaq bo'ldi. Sloveniya mustaqil davlat sifatida o'z tarixida to'rtinchi marta yirik turnirga yo'llanma oldi. Gruziya pley-off bosqichida Gretsiyani penaltilar seriyasida mag‘lub etib, 1991-yilda Sovet Ittifoqidan mustaqillikka erishganidandan keyin mustaqil davlat sifatida ilk turnirga yo‘llanma oldi va 17-Yevropa chempionatining yagona debyutantiga aylandi. Gruziyaning debyuti Yevro-1960da boshlangan har bir turnirda bitta yangi jamoa ishtirok etishi anʼanasining davom etishini ta’minladi.

Shvetsiya, Rossiya va Uels terma jamoalarining Yevro-2024da ishtirok etmasligi eʼtiborga molik. Shvetsiya Yevro-1996dan beri birinchi marta mazkur turnirda qatnasha olmaydigan boʻldi. Shuningdek, shvetsiyaliklar 2022-yilgi jahon chempionatini ham o‘tkazib yuborishgan edi. Shu tariga, ular ketma-ket ikkinchi yirik turnirda qatnashmaydigan boʻlishdi. Yevro-2000 dan beri doimiy ravishda Yevropa chempionatining guruh bosqichida qatnashib kelgan Rossiya Ukrainaga bosqin sababli saralash bosqichidan chetlashtirildi. Oldingi ikki turda, jumladan, Yevro-2016 yarim finalida pley-off bosqichiga chiqqan Uels terma jamoasi Yevro-2024 musobaqasining saralash turniri pley-off bosqichida Polshaga penaltilar seriyasida mag‘lub bo‘ldi. Yevro-2020da debyut qilgan Shimoliy Makedoniya va Finlandiya terma jamoalari bu safar musobaqaga yoʻllanmani qoʻlga kirita olishmadi.

Rossiyaning diskvalifikatsiyasi

2022-yil 20-sentabr kuni Hvarda (Xorvatiya) bo‘lib o‘tgan UEFA Ijroiya qo‘mitasining yig‘ilishida Rossiyaning Yevro-2024 saralashidan chetlatilishi tasdiqlandi. 2022-yil fevralida Rossiyaning Ukrainaga bosqini bunga sabab qilib koʻrsatilgan. Natijada Rossiya terma jamoasi 2000-yildan beri birinchi marta Yevropa chempionatini o'tkazib yuboradigan boʻldi.

Qurʼa tashlash marosimi

Qurʼa tashlash marosimi 2023-yil 2-dekabr kuni Gamburgdagi Elbphilharmonie nomli konsert zalida boʻlib o‘tdi. Jamoalar saralash bosqichida qayd etgan natijalariga koʻra savatlarga taqsimlandi. Mezbon Germaniya avtomatik tarzda 1-savatga joylashtirildi va A guruhidan oʻrin olgan. Pley-offning uchta g'olibi qura vaqtida ma'lum emas edi. 2024-yil mart oyida o'tkazilishi rejalashtirilgan ushbu pley-offda ishtirok etuvchi jamoalar qur'a tashlash marosimida 4-savatga joylashtirildi. Qur'a tashlash marosimi bir necha marta pranker yuzaga keltirgan turli xil shovqinlar sababli toʻxtatilgan.

1-savat: Germaniya (mezbon), 1–5-guruh g‘oliblari
2-savat: 6–10-guruh gʻoliblari, 1-guruhda ikkinchi oʻrinni egallagan jamoa
3-savat: 2–7-guruhlarda ikkinchi oʻrinni egallagan jamoalar
4-savat: 8–10-guruhlarda ikkinchi oʻrinni egallagan jamoalar va 3 ta pley-off oʻyini gʻoliblari (qur’a tashlash marosimi paytida pley-off gʻoliblari nomi maʼlum emas edi)

Savatlar

1-savat
Jamoa	Rank
Jamoa	Oʻrin
Germaniya (mezbon)	—
Portugaliya	1
Fransiya	2
Ispaniya	3
Belgiya	4
Angliya	5

2-savat
Jamoa	Oʻrin
Vengriya	6
Turkiya	7
Ruminiya	8
Daniya	9
Albaniya	10
Avstriya	11

3-savat
Jamoa	Oʻrin
Niderlandiya	12
Shotlandiya	13
Xorvatiya	14
Sloveniya	15
Slovakiya	16
Chexiya	17

4-savat
Jamoa	Oʻrin
Italiya	18
Serbiya	19
Shveysariya	20
A pley-off gʻolibi	—
B pley-off gʻolibi
C pley-off gʻolibi

Qurʼa natijasi

A guruhi
Oʻrin	Jamoa
A1	Germaniya
A2	Shotlandiya
A3	Vengriya
A4	Shveysariya

B guruhi
Oʻrin	Jamoa
B1	Ispaniya
B2	Xorvatiya
B3	Italiya
B4	Albaniya

C guruhi
Oʻrin	Jamoa
C1	Sloveniya
C2	Daniya
C3	Serbiya
C4	Angliya

D guruhi
Oʻrin	Jamoa
D1	Polsha
D2	Niderlandiya
D3	Avstriya
D4	Fransiya

E guruhi
Oʻrin	Jamoa
E1	Belgiya
E2	Slovakiya
E3	Ruminiya
E4	Ukraina

F guruhi
Oʻrin	Jamoa
F1	Turkiya
F2	Gruziya
F3	Portugaliya
F4	Chexiya

Qurʼa tashlash marosimi paytida 3 ta pley-off gʻolibining nomi maʼlum emas edi.

Tarkiblar

Asosiy maqola: UEFA Yevropa chempionati jamoalar tarkiblari 2024

Jamoalar qaydnomasidagi futbolchilarning maksimal miqdori dastlab 23 nafar etib belgilangan. Ammo keyinchalik 26 nafarga oshirilgan. Jamoalar minimum 23 nafar, maksimal 26 nafar futbolchidan iborat ro'yxatni 7-iyungacha taqdim etishlari kerak edi.

Oʻyin rasmiylari (hakamlar)

2024-yil aprel oyida turnirdagi 51 ta o‘yinni boshqarish uchun 19 ta hakamlar brigadasi tanlab olindi. Jumladan, UEFA va KONMEBOL konfederatsiyalari o‘rtasidagi hamkorlik kelishuvi doirasida Germaniyada oʻtkaziladigan musobaqaga Argentinadan ham hakamlar brigadasi taklif qilingan.

Hakamlar brigadalari
Hakam	Qanot hakamlari	Ishlagan oʻyinlari
Jesús Gil Manzano	Diego Barbero Sevilla Ángel Nevado Rodriguez
Marco Guida	Filippo Meli Giorgio Peretti
István Kovács	Vasile Florin Marinescu Mihai Ovidiu Artene
Ivan Kružliak	Branislav Hancko Jan Pozor
François Letexier	Cyril Mugnier Mehdi Rahmouni
Danny Makkelie	Hessel Steegstra Jan de Vries
Szymon Marciniak	Tomasz Listkiewicz Adam Kupsik
Halil Umut Meler	Mustafa Emre Eyisoy Kerem Ersoy
Glenn Nyberg	Mahbod Beigi Andreas Söderkvist
Michael Oliver	Stuart Burt Dan Cook
Daniele Orsato	Ciro Carbone Alessandro Giallatini
Sandro Schärer	Stéphane de Almeida Bekim Zogaj
Daniel Siebert	Jan Seidel Rafael Foltyn
Artur Soares Dias	Paulo Soares Pedro Ribeiro
Anthony Taylor	Gary Beswick Adam Nunn
Facundo Tello	Gabriel Chade Ezequiel Brailovsky
Clément Turpin	Nicolas Danos Benjamin Pages	Germaniya–Shotlandiya (A guruhi)
Slavko Vinčić	Tomaž Klančnik Andraž Kovačič
Felix Zwayer	Stefan Lupp Marco Achmüller

Bundan tashqari, UEFA yigirmata Video Assistent Referi (VAR) tizimida ishlovchi va o'n ikkita yordamchi hakamlar (ular to'rtinchi hakam yoki zaxira hakami vazifasini bajaradi) roʻyxatini ham e'lon qildi.

VAR tizimida ishlovchi hakamlar
Mamlakat	Hakam(lar)
Angliya	Stuart Attwell David Coote
Fransiya	Jérôme Brisard Willy Delajod
Olmoniya	Bastian Dankert Christian Dingert Marco Fritz
Italiya	Massimiliano Irrati Paolo Valeri
Niderlandiya	Rob Dieperink Pol van Boekel
Polsha	Bartosz Frankowski Tomasz Kwiatkowski
Ruminiya	Catalin Popa
Sloveniya	Nejc Kajtazovič
Portugaliya	Tiago Martins
Ispaniya	Alejandro Hernández Hernández Juan Martínez Munuera
Shveysariya	Fedayi San
Turkiya	Alper Ulusoy

Yordamchi hakamlar
Mamlakat	Toʻrtinchi hakam	Zaxiradagi qanot hakami
Bosniya va Gertsogovina	Irfan Peljto	Senad Ibrišimbegović
Litva	Donatas Rumšas	Aleksandr Radiuš
Niderlandiya	Serdar Gözübüyük	Johan Balder
Norvegiya	Espen Eskås	Jan Erik Engan
Sloveniya	Rade Obrenović	Jure Praprotnik
Ukraina	Nikola Balakin	Oleksandr Berkut

Guruh bosqichi

UEFA Yevro 2024 turnirida ishtirok etuvchi jamoalar natijasi

Gʻolib

Ikkinchi oʻrin

Yarim final

Chorak final

1/8 final

Guruh bosqichi

UEFA 2022-yil 10-may kuni turnir taqvimini eʼlon qilgan. Unda faqat ochilish oʻyini, yarim final va final oʻyinlarining boshlanish vaqtlari koʻrsatilgan edi. Qolgan barcha o‘yinlarning boshlanish vaqtlari 2023-yil 2-dekabr kuni qur’a tashlash marosimidan so‘ng e’lon qilindi.

Guruh g‘oliblari, ikkinchi o‘rin egalari va uchinchi o‘rinni egallagan eng yaxshi to‘rtta jamoa 1/8 finalga yo‘l olgan.

Qoʻshimcha mezonlar

Agar ikki yoki undan ortiq jamoalarning guruh o‘yinlari yakuniga ko‘ra ochkolari teng bo‘lib qolsa, quyidagi mezonlarga asosan pley-off yoʻllanmasini qoʻlga kiritgan jamoa nomi aniqlanadi.

Ochkolari teng boʻlib qolgan ikki jamoa orasidagi bahsida toʻplangan ochkolar soni;
Ochkolari teng boʻlib qolgan ikki jamoalar bahsidagi toʻplar nisbati;
Ochkolari teng boʻlib qolgan ikki jamoalar bahsida koʻproq gol urgan jamoa;
Agar yuqoridagi 3 ta mezon qoʻllangandan keyin ham vaziyat hal boʻlmasa, 5—9-mezonlarga murojaat qilinadi;
Guruhda oʻtkazilgan barcha o'yinlardagi toʻplar nisbati;
Guruhda oʻtkazilgan barcha o'yinlarda koʻproq gol urgan jamoa;
Agar teng ochko toʻplsgsn jamoalar 3-turda oʻzaro bahs olib borsa va oʻyinni durang bilan tugatib, umumiy toʻplar nisbati teng boʻlib qolsa, mazkur ikki jamoaning oʻrni penaltilar seriyasiga ko'ra aniqlanadi. (Agar ikkitadan ortiq jamoa bir xil miqdordagi ochkoga ega bo'lsa, ushbu mezon qo'llanilmaydi.);
Guruhdagi barcha o‘yinlarda jami eng past jarima ballari toʻplagan jamoa (bitta sariq kartochka uchun 1 ball, ikkita sariq kartochka natijasida olingan qizil kartochka uchun 3 ball, to‘g‘ridan-to‘g‘ri qizil kartochka uchun 3 ball, bitta sariq kartochkadan keyingi to‘g‘ridan-to‘g‘ri qizil kartochka uchun uchun 4 ball);
Yevropa chempionati saralashining umumiy reytingida yuqori o'rinda turgan jamoa. Agar taqqoslanayotgan jamoalarning biri mezbon Germaniya terma jamoasi boʻlsa, bu holda qur'a tashlash orqali pley-off bosqichida ishtirok etish imkonini qoʻlga kiritgan terma jamoa nomi aniqlanadi.

A guruhi

Asosiy maqola: UEFA Yevro 2024 A guruhi

Oʻrin	Jamoa	Oʻyn	Gʻ	Dur	M	GU	GOʻ	GF	O	Kvalifikatsiya
1	Germaniya (H)	3	2	1	0	8	2	+6	7	Pley-off bosqichiga yoʻllanmani qoʻlga kiritdi
2	Shveysariya	3	1	2	0	5	3	+2	5	Pley-off bosqichiga yoʻllanmani qoʻlga kiritdi
3	Vengriya	3	1	0	2	2	5	−3	3	Pley off bosqichiga yoʻllanmani qoʻlga kiritdi
4	Shotlandiya	3	0	1	2	2	7	−5	1

Manba: UEFA
Klassifikatsiya qoidasi: Qoʻshimcha mezonlar
(H) Mezbon

2024-yil 14-iyun