Sherzod Shermatov

Sherzod Xotamovich Shermatov 1977-yil 7-aprelda Toshkent shahrida tugʻilgan. 2018—2021-yillarda Oʻzbekiston Respublikasi Xalq taʼlimi vaziri, 2021-yil 17-noyabrdan 2022-yil 30-dekabrgacha Axborot texnologiyalari va kommunikatsiyalarini rivojlantirish vaziri sifatida faoliyat olib borgan. 2022-yil 30-dekabrdan O‘zbekiston Respublikasi raqamli texnologiyalar vaziri lavozimiga tayinlangan.

Shermatov Sherzod Xotamovich
Oʻzbekiston Respublikasi raqamli texnologiyalar vaziri
Mansab davri 30-dekabr 2022-yil
Hukumat boshligʻi	Abdulla Oripov (siyosatchi)
Prezident	Shavkat Mirziyoyev
Oʻtmishdoshi	uning oʻzi (vazirlik qayta tashkil qilingan)
Oʻzbekiston Respublikasi Axborot texnologiyalari va kommunikatsiyalarini rivojlantirish vaziri
Mansab davri 2021-yildan – 30-dekabr 2022-yil
Hukumat boshligʻi	Abdulla Oripov (siyosatchi)
Prezident	Shavkat Mirziyoyev
Oʻtmishdoshi	Shuhrat Sodiqov
Vorisi	uning oʻzi (vazirlik qayta tashkil qilingan)
Oʻzbekiston Respublikasi Aloqa, axborotlashtirish va telekommunikatsiya texnologiyalarini rivojlantirish vaziri
Mansab davri 2017-yildan – 2018-yilgacha
Hukumat boshligʻi	Abdulla Oripov (siyosatchi)
Prezident	Shavkat Mirziyoyev
Oʻtmishdoshi	Xurshid Mirzohidov
Vorisi	Shuhrat Sodiqov
Oʻzbekiston Respublikasi Xalq taʼlimi vaziri
Mansab davri 2018-yil 20-iyundan – 2021-yil 16-noyabrgacha
Hukumat boshligʻi	Abdulla Oripov (siyosatchi)
Prezident	Shavkat Mirziyoyev
Oʻtmishdoshi	Ulugʻbek Inoyatov
Vorisi	Baxtiyor Saidov
Oʻzbekiston Respublikasi Axborot texnologiyalari va kommunikatsiyalarini rivojlantirish vaziri
Mansab davri 2021-yil 17-noyabrdan
Hukumat boshligʻi	Abdulla Aripov
Prezident	Shavkat Mirziyoyev
Oʻtmishdoshi	Shuhrat Sodiqov
Shaxsiy maʼlumotlari
Tavalludi	7-aprel 1977-yil (1977-04-07) (48 yosh) Toshkent, OʻzSSR
Fuqaroligi	Oʻzbekiston
Maʼlumoti	Toshkent davlat texnika universiteti
Mukofotlari

Vikipediyada shunday familiyali boshqa shaxslar haqida ham maqolalar mavjud, qarang: Shermatov.

Taʼlim

Maʼlumoti oliy. 1993—1998-yillarda Toshkent davlat texnika universitetini, 1998—2000-yillarda Аmerika Qoʻshma Shtatlari Yale universitetini tamomlagan.

Mehnat faoliyati

Mehnat faoliyatini 2000-yilda Oʻzbekiston Respublikasi Moliya vazirligi Valyuta iqtisod bosh boshqarmasi bosh iqtisodchisi sifatida boshlagan. 2001—2002-yillarda Oʻzbekiston Respublikasi Vazirlar Mahkamasi yetakchi mutaxassisi, bosh mutaxassisi, 2004—2005-yillarda Birlashgan millatlar tashkiloti va Oʻzbekiston Respublikasi hukumati „Raqamli rivojlanish tashabbusi“ taraqqiyoti dasturi koordinatori, 2005—2005-yillarda Oʻzbekiston Respublikasi Bosh vazirining birinchi oʻrinbosari yordamchisi, 2005-yilda qisqa muddat Birlashgan millatlar tashkiloti taraqqiyot dasturi va Oʻzbekiston Respublikasi hukumati „Oʻzbekistonda axborot-kommunikatsiya texnologiyalarini rivojlantirish“ loyihasi rahbari, 2005—2008-yillarda Bilimlarni boshqarish va Axborot-kommunikatsiya texnologiyalari yechimlari boʻyicha maslahatchi, Birlashgan Millatlar Tashkiloti taraqqiyot dasturining Oʻzbekistondagi vakolatxonasi Samarali boshqaruv boʻlimi rahbari, 2008—2010-yillarda Oʻzbekiston Respublikasi Vazirlar Mahkamasi Apparati Axborot tizimlari va telekommunikatsiyalar masalalari axborot-tahlil departamentining shoʻba mudiri, 2010—2012-yillarda Oʻzbekiston Respublikasi Prezidenti devoni Tashkiliy-kadrlar xizmati yetakchi inspektori, bosh inspektori kabi mas’ul lavozimlarda faoliyat olib borgan. 2012—2014-yillarda Oʻzbekiston Respublikasi aloqa, axborotlashtirish va telekommunikatsiya texnologiyalari davlat qoʻmitasi raisi oʻrinbosari, 2014—2016-yillarda Toshkent shahridagi Inha universiteti rektori vazifalarida ishlab, 2016-yildan hukumat tarkibiga qaytgan. 2016—2017-yillarda Oʻzbekiston Respublikasi Axborot texnologiyalari va kommunikatsiyalarini rivojlantirish vazirning birinchi oʻrinbosari, 2017—2018-yillar Oʻzbekiston Respublikasi Axborot texnologiyalari va kommunikatsiyalarini rivojlantirish vaziri vazifasini bajaruvchi, 2018-yilda qisqa muddat Oʻzbekiston Respublikasi Innovatsion rivojlanish vaziri oʻrinbosari, 2018—2021-yillarda Oʻzbekiston Respublikasi Xalq taʼlimi vaziri sifatida ishlab, 2021-yildan Oʻzbekiston Respublikasi Axborot texnologiyalari va kommunikatsiyalarini rivojlantirish vaziri sifatida faoliyat koʻrsatmoqda.

“Do‘stlik” ordeni bilаn tаqdirlаngаn.

Oilasi

Oilali, toʻrt nafar farzandi bor.