Umid Isoqov (1978-yil 22-dekabr, Oʻzbekiston SSR, SSSR) – oʻzbek futbolchisi, hujumchi. Fargʻonaning „Neftchi“ jamoasining eng yaxshi toʻpurarlaridan biri. 1999

Umid Isoqov
Shaxsiy maʼlumot
Toʻliq ismi	Umid Isoqov
Tavallud sanasi	22-dekabr 1978-yil (47 yosh)
Tavallud joyi	Qoʻqon Oʻzbekiston SSR
Boʻyi	176 cm (5 ft 9 1⁄2 in)
Ampluasi	Hujumchi
Professional faoliyati*
Yillar	Jamoa
1995-1996	Temiryoʻlchi
1997—2004	Neftchi (Fargʻona)
2005	Paxtakor
2005	Dinamo (Samarqand)
2006	Andijon
2007	Nasaf
2008	Qizilqum
2009	Xorazm
2010	Neftchi (Fargʻona)
Milliy terma jamoa
2000—2001	Oʻzbekiston
	*Professional klublardagi gollari (ichki chempionat)

Umid Isoqov (1978-yil 22-dekabr, Oʻzbekiston SSR, SSSR) – oʻzbek futbolchisi, hujumchi. Fargʻonaning „Neftchi“ jamoasining eng yaxshi toʻpurarlaridan biri. 1999-va 2001-yillardagi Oʻzbekiston chempionatining eng yaxshi toʻpurari.

Futbolchilik faoliyati

Professional faoliyatini 1995-yilda Qoʻqonning „Temiryoʻlchi“ jamoasi tarkibida boshlagan. 1997-yilda Fargʻonaning „Neftchi“ jamoasiga oʻtib, 2004-yil yakunigacha ushbu klub safida toʻp surgan. Bu vaqt ichida u „Neftchi“ safida 210 ta uchrashuvda maydonga tushib, 139 ta gol urishga erishgan. 2005-yilgi mavsumni Toshkentning „Paxtakor“ va Samarqandning „Dinamo“ klublarida oʻtkazgan. 2006-va 2007-yilgi mavsumlarda mos ravishda „Andijon“ va Qarshining „Nasaf“ klublarida toʻp surgan. Faoliyatining soʻnggi yillarini Zarafshonning „Qizilqum“ va Urganchning „Xorazm“ jamoalari tarkibida oʻtkazgan. 2010-yilda „Neftchi“ tarkibiga qaytib, oʻsha yilgi mavsum yakunida professional faoliyatini yakunlagan. 2000—2001-yillarda Oʻzbekiston terma jamoasida oʻynagan. Terma jamoa safida jami hisobda 8ta uchrashuvda maydonga tushib, 3ta gol urgan.

Xalqaro musoboqasi

Umid Isoqov milliy terma jamoadagi debyutini 2000-yilning 29-fevralida Moʻgʻulistonga qarshi oʻyinda oʻtkazgan va 8:1 hisobida gʻalaba qozongan.

Xalqaro musobaqalarda urgan gollari

№	Sana	Maydon	Raqib	Hisob	Natija	Musobaqa
1.	2000-yil 3-sentyabr	Shanxay stadioni, Shanxay, Xitoy	Tailand	4-2	Magʻlubiyat	Toʻrt millat kubogi
2.	2001-yil 15-fevral	Spartak stadioni, Varna, Bolgariya	Ozarbayjon	2-1	Gʻalaba	Doʻstona
3.	2001-yil 15-fevral	Spartak stadioni, Varna, Bolgariya	Ozarbayjon	2-1	Gʻalaba	Doʻstona
2015-yil 7-oktyabr holatiga koʻra toʻgʻri

Yutuqlari

Jamoa bilan

Oʻzbekiston Superligasi chempioni (1): 2001-yil
Oʻzbekiston Superligasi kumush medali sohibi (7): 1997, 1998, 1999, 2000, 2002, 2003, 2004-yillar
Oʻzbekiston Kubogi kumush medali sohibi (4): 1997, 1998, 2001, 2002-yillar

Shaxsiy yutuqlari

Oʻzbekistonda yilning eng yaxshi futbolchisi 3-oʻrin: 2001-yil
Oʻzbekistonda yilning yaxshi toʻpurari (2): 1999, 2001-yillar
Gennadiy Krasnitskiy klubi aʼzosi: 188 ta gol