Nur surasi (arabcha: سورة النور‎‎, nomining maʼnosi — Nur) — Qurʼonning 24-surasi. Madiniy suralardan biri, 64 oyatdan iborat. Bu sura Qurʼonning 350–359-sahifa

Furqon ← 24–sura → Moʻminun
Nur surasi — سورة النور
	; Suraning arabcha matni
Nomining maʼnosi	Nur
Tasnifi	Madaniy sura
Statistika
Sahifasi	350–359
Juz	18
Sura raqami	24
Oyatlar soni	64
Sajda oyati	yoʻq
Rukuʼlar soni	9
Muqattaot harflari	yoʻq
Nozil boʻlish tartibi	102
Arabcha matni	ar.wikisource.orgda ; tanzil.netda
Tarjimalari	QuranAcademy.org ; quran.uzda
Tilovat tartibi
Nozil boʻlish tartibi

Nur surasi (arabcha: سورة النور‎‎, nomining maʼnosi — Nur) — Qurʼonning 24-surasi. Madiniy suralardan biri, 64 oyatdan iborat. Bu sura Qurʼonning 350–359-sahifasida va 18-juzida joylashgan. 102-boʻlib nozil boʻlgan.

Asosiy mavzusi

Suraning asosiy mavzusi islomiy jamiyatdagi axloq-odob qonun-qoidalaridir. Unda musulmonlarning bir-birlari bilan oʻrnatishlari lozim boʻlgan munosabatlaridan tortib, islomiy oilalarning ichida barpo qilinishi zarur boʻlgan toza iqlim va pokiza muhit yoʻl-yoʻriqlarigacha batafsil bayon qilinadi.

Yana bu surada jamiyatni fisq-u fasoddan toza tutish, nasl-nasablarni aralashib ketishidan saqlash va insonlarni axloqiy tubanlikdan asrash uchun Alloh taolo farz qilib qoʻygan ayrim jazo choralari, jumladan, zinokorlikka qarshi, tuhmatchilikka qarshi islomiy jazo choralari ham zikr qilinadi. Va bu bilan Islom nazarida kishi uchun birovning molini nohaq olish qanday harom sanalsa, birovning or-nomusiga tegish yoki nohaq obroʻsini toʻkish ham shunday harom ekanligi uqtiriladi.

Suraning "Nur" deb nomlanishining sababi, birinchidan, undan Alloh yer-u osmonlarning nuri - asl ijodkori ekanligi xususidagi goʻzal oyati karimalar oʻrin olgani boʻlsa, ikkinchidan, bu surada insonlar baxtli, saodatli hayot kechirishlari uchun nur kabi zarur boʻlgan ilohiy ahkomlar mavjudligidir.