Nosir Otaqoʻziyev (ruscha: Отакузиев, Носир; 1984-yil 30-yanvar) – sobiq oʻzbek futbolchisi, hujumchi pozitsiyasida o'ynagan. 2020-yildan Fargʻona futbol federa

Nosirbek Otaqoʻziyev
Shaxsiy maʼlumot
Toʻliq ismi	Nosirbek Otaqoʻziyev
Tavallud sanasi	29-dekabr 1984-yil (41 yosh)
Tavallud joyi	Fargʻona, Oʻzbekiston SSR, SSSR
Boʻyi	1.74 m (5 ft 8 1⁄2 in)
Ampluasi	Hujumchi
Klub maʼlumoti
Joriy klub	Faoliyatini yakunlagan
Yoshligida aʼzo boʻlgan klublar
2001—2003	Neftchi
Professional faoliyati*
Yillar	Jamoa
2003—2009	Neftchi
2010	Olmaliq
2011—2012	Nasaf
2013	Olmaliq
2013	Guliston
2013—2014	Neftchi
2015—2019	Qoʻqon 1912
Milliy terma jamoa
2011	Oʻzbekiston
	*Professional klublardagi gollari (ichki chempionat)

Vikipediyada ismi Nosirbek va familiyasi Otaqoʻziyev boʻlgan boshqa kishilar haqida ham maqolalar mavjud.

Nosir Otaqoʻziyev (ruscha: Отакузиев, Носир; 1984-yil 30-yanvar) – sobiq oʻzbek futbolchisi, hujumchi pozitsiyasida o'ynagan. 2020-yildan Fargʻona futbol federatsiyasi vitse prezidenti.

Futbolchilik faoliyati

Klub

Faoliyatini 2003-yilda Fargʻonaning „Neftchi“ jamoasida boshlagan. Nosir „neftchilar“ safida 2009-yil oxirigacha toʻp surgan va shu vaqt ichida 107 ta oʻyin oʻtkazib, 49 ta gol urgan. 2010-yilgi mavsumda „Olmaliq“ klubi tarkibida oʻynagan va mavsum soʻngida 13 ta gol bilan oliy liganing eng yaxshi ikki toʻpuraridan biriga boʻlgan. 2011-yilgi mavsumda Qarshining „Nasaf“ klubiga koʻchib oʻtgan. Mavsum davomida Otaqoʻziyev 2011-yilgi OFK Kubogida 5 ta gol urgan va turnir yakunida Nasaf jamoasi bilan birgalikda chempion boʻlgan. 2013-yilgi mavsumda avvaliga „Olmaliq“ jamoasida, mavsumning ikkinchi qismida „Guliston“ jamoasida oʻynagan. 2014-yilgi mavsumda „Neftchi“ jamoasida oʻynagan. 2015-yildan „Qoʻqon-1912“ klubi bilan shartnoma imzolagan. Qoʻqon-1912 jamoasida 4 mavsum toʻp surgan va 2019-yilgi mavsum soʻngida faoliyatini yakunlagan.

Terma jamoada

Nosirbek Oʻzbekiston Olimpiya terma jamoasi tarkibida 2006-yilgi Osiyo oʻyinlari musobaqasida ishtirok etgan. 2011-yilda Oʻzbekiston milliy terma jamoasi safida ikkita, Chernogoriya va Ukraina terma jamoalariga qarshi oʻrtoqlik uchrashuvlarida maydonga tushgan.

Yutuqlar

Oʻzbekiston chempionati kumush medali sovrindori:
- 2003, 2004, 2006, 2011-yil
Oʻzbekiston kubogi finalchisi:
- 2003, 2011-yil
OFK kubogi sohibi:
- 2011-yil
2010-yilgi Oʻzbekiston oliy ligasining 13 ta gol bilan toʻpurari (Alisher Xoliqov bilan birga).