Navruz Japaqov

Navruz Japaqov (1914.16.5 — Taxtakoʻpir tumani — 1975.13.3) — qoraqalpoq shoiri va adabiyotshunosi. Oʻzbekistonda (1974) va Qoraqalpogʻistonda (1964) xizmat koʻrsatgan fan arbobi. Filologiya fanlari doktori (1967).

Navruz Japaqov
Qoraqalpogʻiston ASSR Vazirlar Kengashi raisi
Mansab davri 1956-yil – 1959-yil 31-mart
Oʻtmishdoshi	Pirjan Seitov
Vorisi	Qallibek Kamolov
Qoraqalpogʻiston ASSR Oliy Soveti Prezidiumi raisi
Mansab davri 1955-yil – 1956-yil yanvar
Oʻtmishdoshi	Mateke Jumanazarov
Vorisi	Mateke Jumanazarov
Qoraqalpogʻiston ASSR Vazirlar Kengashi raisi
Mansab davri 1946-yil oktabr – 1952-yil
Oʻtmishdoshi	Pirjan Seitov
Vorisi	Jolimbet Seitniyazov
Shaxsiy maʼlumotlari
Tavalludi	1914-yil 16-may
Vafoti	13-mart 1975-yil(1975-03-13) (60 yoshda)
Siyosiy partiyasi	KPSS
Taʼlim	VKP (b) MK qoshidagi Oliy partiya maktabi
Mukofotlari

Mehnat faoliyati

Koʻp yillar yuqori rahbarlik idoralarida ishlagan. Oʻzbekiston Fanlar akademiyasi Til va adabiyot instituti (1961—1967) va Oʻzbekiston Fanlar akademiyasi Qoraqalpogʻiston boʻlimi N. Dovqorayev nomidagi tarix, til va adabiyot institutida (1967—1975) katta ilmiy xodim.

Ijodiy faoliyati

Ilk sheʼrlar toʻplami — „Quyosh“ (1940). Navoiyga bagʻishlangan „Shoir soʻzi“ dostoni (1949, J. Oymurzayev bilan hamkorlikda), „Uzoqdagi yaylovlar“ (1955, X. Seitov bilan hamkorlikda), „Suvchi“ (1958) dostonlarida qoraqalpoq xalqining turmushi va yaratuvchilik mehnati aks etgan. „Orol baliqchilari“ kinossenariysi (M. Melkumov bilan hamkorlikda) va adabiyotshunoslikka oid bir qancha asarlar muallifi („Qoraqalpoq adabiyotida realizm masalasiga doir“, 1972; „Adabiyotimiz haqida oʻylar“, 1974 va b.).

Adabiyotlar

• Amu boʻylarida, T., 1956;
• Tiriklar bilan birga: Poema va sheʼrlar, T., 1962;
• Tanlamali shigarmalari, 3 tomlik, Nokis, 1978-80.