Ilhom Neʼmatov

Vikipediyada ismi Ilhom va familiyasi Neʼmatov boʻlgan boshqa kishilar haqida ham maqolalar mavjud.

Neʼmatov Ilhomjon Toʻychiyevich (1952-yil, Namangan, OʻzSSR, SSRI) — Oʻzbekistonlik diplomat, MDH bosh kotibining o‘rinbosari. Turli yillarda bir nechta davlatlarda Oʻzbekistonning elchisi sifatida faoliyat yuritgan.

Neʼmatov Ilhomjon Toʻychiyevich
Shaxsiy maʼlumotlari
Tavalludi	1-may 1952-yil (1952-05-01) (73 yosh) Namangan, OʻzSSR
Mukofotlari

Biografiyasi

1952-yil 1-mayda Namangan viloyatida tugʻilgan.

1973-yili Fargʻona politexnika institutini tamomlagan. Ingliz, rus va nemis tillarini biladi.

1992-yili SSSR TIV Diplomatik akademiyasini tamomladi. Iqtisod fanlari nomzodi ilmiy darajasiga ega.

1973-1974 — Qurolli Kuchlar safida xizmat.

1975-1989 — Namangan viloyatining qurilish tashkilotlari, partiya va jamoatchilik organlarida rahbar lavozimlarida ishladi.

1989-1992 — SSSR (Rossiya) Tashqi ishlar vazirligi diplomatik akademiyasi tinglovchisi.

1992-1993 — Konsullik boshqarmasida boʻlim boshligʻi, Ishlar boshqarmasi boshligʻi.

1993-1995 — Oʻzbekiston Respublikasining Germaniyadagi elchixonasi 1-kotibi, maslahatchi-vakili.

1995-1996 — Oʻzbekiston Respublikasi Tashqi ishlar vazirligi Konsullik boshqarmasi boshligʻi oʻrinbosari.

1996-1997 — Oʻzbekiston Respublikasi prezidenti huzuridagi Milliy xavfsizlik kengashi bosh konsultanti.

1997-1999 — Oʻzbekiston Respublikasining Hindistondagi favqulodda va muxtor elchisi.

1999-2008 — Oʻzbekiston Respublikasi Tashqi ishlar vazirining maslahatchisi, oʻrinbosari, birinchi oʻrinbosari, Oʻzbekiston Respublikasining ShHTdagi milliy koordinatori.

2008-2010 — Oʻzbekiston Respublikasining Rossiya Federatsiyasidagi favqulodda va muxtor elchisi.

2010-2013 — Oʻzbekiston Respublikasining AQShdagi favqulodda va muxtor elchisi.

2010-2013 — Oʻzbekiston Respublikasining qarorgohi Vashingtonda joylashgan Braziliya va Kanadadagi Favqulodda va Muxtor Elchisi.

2013-2014 — Oʻzbekiston Respublikasi Tashqi ishlar vazirligining alohida topshiriqlar boʻyicha elchisi.

2014-2016 — „GM Uzbekistan“ AJ Bosh direktori maslahatchisi.

2016-2018 — Oʻzbekiston Respublikasi Tashqi ishlar vazirligining alohida topshiriqlar boʻyicha elchisi.

2018-2020 — Oʻzbekiston Respublikasi tashqi ishlar vazirining birinchi oʻrinbosari.

2020-2021 — Oʻzbekiston Respublikasi tashqi ishlar vazirining oʻrinbosari.

2021-yildan — MDH ijro qoʻmitasi raisining oʻrinbosari

Favqulodda va muxtor elchi diplomatik martabasiga ega.

Mukofotlari

Doʻstlik ordeni hamda Rossiyaning Doʻstlik ordeni bilan taqdirlangan.