Furqat Siddiqov

Vikipediyada ismi Furqat va familiyasi Siddiqov boʻlgan boshqa kishilar haqida ham maqolalar mavjud.

Furqat Ahmedovich Siddiqov — oʻzbek diplomati, texnolog. 2015—2020-yillarda Oʻzbekistonning Pokistondagi elchisi. 2023-yil 3-martdan Oʻzbekistonning AQShdagi elchisi.

Furqat Ahmedovich Siddiqov
Oʻzbеkistоnning AQShdagi elchisi
Mansab davri 2023-yildan
Prezident	Shavkat Mirziyoyev
Oʻtmishdoshi	Javlon Vahobov
Oʻzbеkistоnning Pokistondagi elchisi
Mansab davri 2015-yildan – 2020-yilgacha
Oʻtmishdoshi	Parviz Aliyev
Vorisi	Oybek Usmonov
Shaxsiy maʼlumotlari
Tavalludi	7-fevral 1971-yil (1971-02-07) (55 yosh) Toshkent

Biografiyasi

1971-yil 7-fevral kuni Toshkent shahrida tug‘ilgan.

Taʼlim

1993-yilda Toshkent davlat texnika universitetini tamomlagan. Rus va ingliz tillarini biladi.

Mehnat faoliyati

1993-1995 — „UzDaewoo Electronics“ qo‘shma korxonasi katta mutaxassisi.

1995-2002 — Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti ilmiy xodimi, katta ilmiy xodimi.

2002-2007 — O‘zbekiston Respublikasining AQShdagi elchixonasi attashesi.

2007-2011 — O‘zbekiston Respublikasi Prezidenti huzuridagi Strategik va mintaqalararo tadqiqotlar instituti yetakchi ilmiy xodimi.

2011-2015 — O‘zbekiston Respublikasining AQShdagi elchixonasi birinchi kotibi.

2015-2020 — O‘zbekiston Respublikasining Pokiston Islom Respublikasidagi favqulodda va muxtor elchisi.

2020-2022 — Oʻzbekiston Respublikasi Tashqi ishlar vazirining o‘rinbosari.

2022-2023 — O‘zbekiston Respublikasi Tashqi ishlar vazirining birinchi o‘rinbosari.

2023-yil 3-martdan — O‘zbekiston Respublikasining AQShdagi favqulodda va muxtor elchisi. 1-may kuni AQSh Prezidenti Joe Bidenga ishonch yorligʻini topshirdi.