Foreign Languages

Foreign Languages – Oʻzbekistonning xorijiy tillarga ixtisoslashgan umummilliy davlat teleradiokanali. Oʻzbekiston milliy teleradiokompaniyasi tarkibida tashkil etilgan. 2021-yil 6-dekabr kuni test rejimida ish boshlagan.

Foreign Languages
„Foreign Languages“ teleradiokanali
Mamlakat	Oʻzbekiston
Namoyish vaqti	tunu-kun
Namoyish hududi	Oʻzbekiston
Til(lar)i	turli xorijiy tillar
Boshqaruv markazi	Toshkent, Shayxontohur tumani, Navoiy koʻchasi, 69-uy
Mazmuni	xorijiy tillarni oʻrgatishni ommalashtirish
Efirga chiqqan	2021-yil 6-dekabr
Tomoshabinlar	35 milliondan koʻp
Asoschisi	Oʻzbekiston milliy teleradiokompaniyasi
Egasi	Oʻzbekiston milliy teleradiokompaniyasi
Rahbarlari	Alisher Shoyimov
Aloqador telekanallar	Oʻzbekiston MTRK kanallari
Sayt	www.mtrk.uz

Tarixi

2021-yil 19-may kuni Oʻzbekiston Respublikasi Prezidenti Shavkat Mirziyoyevning xorijiy tillarni oʻrganish ishlarini ommalashtirish faoliyatini sifat jihatdan yangi bosqichga koʻtarish haqida PQ–5117-sonli qarori qabul qilindi. Shu qaror ijrosini taʼminlash maqsadida 2021-yil 27-avgustda Vazirlar Mahkamasi „Foreign Languages“ nomli teleradiokanal tashkil etish toʻgʻrisidagi 546-sonli qarorni qabul qildi. Teleradiokanal 2021-yil 6-dekabr, soat 9:00 dan oʻz faoliyatini tugatgan „Oilaviy“ telekanali bazasida test rejimida ish boshladi.

Tavsifi

„Foreign Languages“ teleradiokanali oʻz dasturlarini 24 soat davomida xorijiy tillarda uzatadi. Bir kunda kamida 3 soat onlayn tarzda xorijiy tillarni oʻrgatishga moʻljallangan koʻrsatuvlar efirga uzatiladi. Bolalar uchun moʻljallangan xorijiy tildagi asarlar asl tilida, baʼzi hollarda oʻzbek, rus, ingliz tillaridagi subtitrlar bilan efirga uzatiladi.