Asror Aliqulov (1978-yilning 12-sentyabrida, Muborak, Oʻzbekiston SSRda tugʻilgan) — oʻzbekistonlik futbol murabbiyi va sobiq futbolchi. Himoyachi pozitsiyasida

Asror Aliqulov
Shaxsiy maʼlumot
Toʻliq ismi	Asror Choriyevich Aliqulov
Tavallud sanasi	12-sentyabr 1978-yil (47 yosh)
Tavallud joyi	Muborak tumani Oʻzbekiston SSR
Boʻyi	182 cm (5 ft 11 1⁄2 in)
Ampluasi	Himoyachi
Vazni	85 kg
Klub maʼlumoti
Joriy klub	Shoʻrtan
Raqami	Bosh murabbiy
Professional faoliyati*
Yillar	Jamoa
1995—1997	Mashʼal
1997—2002	Nasaf
2003—2009	Paxtakor
2009—2010	Shoʻrtan
2010	Nasaf
2011—2013	Shoʻrtan
2014	Dinamo Samarqand
2015—2016	Shoʻrtan
Milliy terma jamoa
1999—2008	Oʻzbekiston
Boshqargan klublari
2017—2018	Shoʻrtan
2018—2019	Mashʼal
2020—2023	Shoʻrtan
2023	Qizilqum
2023—2025	Mashʼal
2025—	Shoʻrtan
	*Professional klublardagi gollari (ichki chempionat)

Vikipediyada ismi Asror va familiyasi Aliqulov boʻlgan boshqa kishilar haqida ham maqolalar mavjud.

Asror Aliqulov (1978-yilning 12-sentyabrida, Muborak, Oʻzbekiston SSRda tugʻilgan) — oʻzbekistonlik futbol murabbiyi va sobiq futbolchi. Himoyachi pozitsiyasida oynagan. Gʻuzorning „Shoʻrtan“ klubi bosh murabbiyi.

Futbolchilik faoliyati

Professional faoliyatini 1995-yilda Muborakning „Mashʼal“ jamoasida boshlagan. U yerdan Qarshining „Nasaf“ jamoasiga viloyat bosh klubiga taklif qilindi va bu jamoada Asror ikki marta mamlakat chempionati bronza medallarini qoʻlga kiritdi. 2001-yilda Oʻzbekiston klublari terma jamoasi tarkibida Malayziyada oʻtkazilgan Merdeka Kubogi xalqaro turniri gʻolibi boʻldi.

Aliqulov 2003-yilgi mavsum oldidan Toshkentning „Paxtakor“ jamoasiga taklif qilingandi. Bu klub tarkibida u ketma-ket besh marta mamlakat chempioni va shuncha marta qatorasiga mamlakat kubogi sohibiga aylandi. 2014-yilgi mavsumni Samarqandning „Dinamo“ jamoasi tarkibida oʻtkazdi. 2015-yilgi mavsumda „Shoʻrtan“ jamoasi tarkibida toʻp surgan vaqtida Oʻzbekiston Superligasida eng koʻp oʻtkazgan futbolchi sifatida rekord oʻrnatdi. 2016-yilgi mavsum Gʻuzorning „Shoʻrtan“ jamoasi tarkibida faoliyatini yakunladi

Milliy terma jamoa

2007-yilgi Osiyo Kubogi final turniriga tayyorgarlik jarayonida jiddiy jarohat oldi, ammo iroda va chidamlilik koʻrsatib, katta futbolga qaytdi.

1999—2008-yillarda Oʻzbekiston terma jamoasida oʻynagan. 2007-yilda u milliy terma jamoa safida toʻrtta oʻyin oʻtkazgan.

U 1999-yildan 2008-yilgacha milliy terma jamoa aʼzosi boʻlgan va 63 marta oʻynagan.

Murabbiylik faoliyati

2017-yilgi mavsumda „Shoʻrtan“ jamoasining yoshlar jamoasining murabbiy va asosiy jamoada murabbiylar shatabida murabbiy sifatida faoliyatini boshladi. 2019-yilgi mavsumda Muborakning „Mash’al“ klubida bosh murabbiy sifatida faoliyat olib bordi. 2020-yilgi mavsumda „Shoʻrtan“ jamoasiga bosh murabbiy sifatida qaytdi. 2023-yilgi mavsumda Navoiyning „Qizilqum“ jamoasida yarim mavsum davomida bosh murabbiy lavozimida faoliyat olib bordi. 2023-yilgi mavsum ikkinchi davrasida Muborakka qaytgan va 8-avgustda „Mash’al“ klubi bilan shartnoma imzolagan. 2025-yil 3-oktyabrda Gʻuzorning Shoʻrtan klubi bilan shartnoma imzolagan.

Yutuqlari

Klub

Paxtakor

Oʻzbekiston ligasi (5): 2003, 2004, 2005, 2006, 2007
Oʻzbekiston Kubogi (5): 2003, 2004, 2005, 2006, 2007
Osiyo Chempionlar Ligasi yarim finali (2): 2002/2003, 2004
MDH kubogi : 2007

Milliy terma jamoa

Merdeka turniri gʻolibi: 2001

Shaxsiy hayoti

Aliqulov oliy maʼlumotli. Qarshi davlat universitetini tamomlagan. U sertifikatlangan futbol murabbiyi. Uylangan. Uch farzandning otasi.