Ahmad Masʼud

Ahmad Masʼud (dariycha: احمد مسعود) — afgʻonistonlik siyosiy arbob, millati – tojik. Afgʻoniston qahramoni — Ahmad Shoh Masʼudning oʻgʻli va izdoshi. 2016-yildan „Massoud Foundation“ bosh direktori. 2019-yil 5-sentabrda Panjsher vodiysidagi maqbarada otasining izdoshi deb eʼlon qilingan.

Ahmad Masʼud
Tavalludi	1989-yil Piyu, Taxor viloyati, Afgʻoniston Demokratik Respublikasi
Fuqaroligi	Afgʻoniston
Taʼlimi	Kingʻs College London, City, University of London
Kasbi	Massoud Foundation bosh direktori
Faoliyat yillari	2021–hozirgacha
Millati	tojik
Dini	islom
Ota-onasi	Ahmad Shoh Masʼud (otasi) Sodiqa Masʼud (onasi)

Tarjimai holi

Ahmad Masʼud Taxor viloyatida tojik oilasida tugʻilgan. Eronda oʻrta maktabni tugatgach, Sandhurst Qirollik harbiy akademiyasida oʻqigan. 2012–2015 yillarda u London Qirollik kollejining harbiy tadqiqotlar fakultetida oʻqigan. 2016-yil London shahar universitetida magistr darajasini olgan.

2016-yil Afgʻonistonga qaytgan Ahmad Masʼud „Massoud Foundation“ bosh direktori etib tayinlanadi.

Ahmad Masʼud 2019-yil martdan rasman siyosat bilan shugʻullana boshlaydi.

2021-yil Tolibon hujumlari fonida Masʼud Panjsher viloyatida Tolibonga qarshi kurashish uchun katta harbiy kuch toʻpladi. Kobul qulaganidan soʻng u Afgʻonistonning birinchi vitse prezidenti Amrulloh Solih bilan qoʻshilgan holda „Tolibon“ hokimiyatini tan olmadi va qarshilik koʻrsatishda davom etmoqda.