Muzaffar Muhamedov

Vikipediyada ismi Muzaffar va familiyasi Muhamedov boʻlgan boshqa kishilar haqida ham maqolalar mavjud.

Muzaffar Muhamedov (1902-yil 1-yanvar, Toshkent — 1995-yil 18-noyabr) — aktyor, rejissyor, teatr tashkilotchilaridan biri. Oʻzbekistonda xizmat koʻrsatgan sanʼat arbobi (1937), O‘zbekiston SSR xalq artisti (1959).

Muzaffar Muhamedov
Tavalludi	1-yanvar 1902-yil Toshkent
Vafoti	18-noyabr 1995-yil(1995-11-18) (93 yoshda)
Taʼlimi	Moskva oʻzbek drama studiyasi
Kasbi	aktyor, rejissyor
Unvoni

Faoliyati

Moskva oʻzbek drama studiyasini tugatgan (1927). Ijodiy faoliyatini Hamza rahbarligidagi „Turk kuchi“ truppasida aktyorlikdan boshlagan (1918). 1919—1924-yillar Oʻzbek davlat namuna drama truppasida aktyor. Andijon teatrida bosh rejissyor (1928—1930), Oʻzbek davlat musiqali teatrida (1930—1939), Navoiy teatrida (1939—1943 va 1950-yildan) rejissyor, Muqimiy teatrida bosh rejissyor (1943—1950). Mahmudxon („Zaharli hayot“), Muslim („Halima“), Oʻlmas Botir („Yorkinoy“), Mirzaboshi („Arslon“) va boshqa uning sahnada yaratgan eng yaxshi rollaridir.

Muhamedov rejissyorlik faoliyatining dastlabki davrlarida V. Meyerxold yoʻlidan borgan, keyinchalik Muhamedov rejissurasi oʻziga xos rivoj topgan. U musiqali teatr rejissyori sifatida shakllangan va bu sohada oʻziga xos rejissyorlik maktabini yaratgan. „Halima“ (F. Zafariy), „Gulsara“ (K. Yashin, M. Muhamedov; T. Jalilov), „Layli va Majnun“ (Xurshid; R. Glier, T. Sodiqov), „Davron ota“ (K. Yashin, S. Abdulla, Chustiy; T. Sodiqov, A. Kozlovskiy), „Tohir va Zuhra“, „Alpomish“ (S. Abdulla; T. Jalilov), „KIMga“ (Roslavets, T. Jalilov), „Gʻunchalar“ (Z. Fatxullin; T. Jalilov), „Oftobxon“ (K. Yashin; T. Jalilov) kabi spektakllarni sahnalashtirgan. „Ichkarida“ pyesasini, „Gulsara“, „Dilorom“, S. Abdulla bilan „Maysaraning ishi“ operalarining librettosini yozgan.