Gʻuzordaryo

Gʻuzordaryo – Qashqadaryo viloyatidagi daryo. Qashqadaryoning chap irmogʻi. Quyi oqimida, Gʻuzor shahridan quyida Qorasuv deb nomlanadi.

Gʻuzordaryo
Gʻuzordaryo havzasi
Tavsif
Uzunligi	86
Daryolar havzasi	3170 km²
Suv sarfi	4,87 m³/s (Pachkamar qishlogʻi)
Suv oqimi
Boshlanishi	Katta va Kichik Oʻradaryoning qoʻshilishi
Quyilishi	Qashqadaryo
· Quyilish joyi	Qarshi shahridan 16 km sharqda
Joylashuvi
Davlat	Oʻzbekiston
Mintaqa	Qashqadaryo
Tuman	Gʻuzor va Qarshi tumanlari

Uzunligi 86 km. Havzasining maydoni 3170 km². Suv yigʻilish maydonining oʻrtacha balandligi 1532 m. Hisor tizmasining shimoli-gʻarbiy yon bagʻridan boshlanadigan Katta Oʻradaryo va Kichik Oʻradaryolarning qoʻshilishidan hosil boʻladi. Togʻlardan oqib chiqqach, tekislikdan oqib Qashqadaryoga quyiladi.

Oʻrtacha yillik suv sarfi 5,9 m³/sek. Eng koʻp suv sarfi 15,9 m³/sek., eng kam suv sarfi 0,31 m³/sek. Qor va yomgʻir suvlaridan toʻyinadi. Eng koʻp suv sarfi aprelda (22,5%), eng kam suv sarfi sentyabrda (3,6%) kuzatiladi. Gʻuzordaryoning yuqori qismida Pachkamar suv ombori barpo qilingan hamda daryodan irrigatsion kanallar chiqarilgan. Suvi, asosan, ekin maydonlarini sugʻorishga sarf boʻladi.

Gʻuzordaryo havzasidagi kichik suv yigʻish maydonlari