Arjen Robben (talaffuzi: Ariyen Robben; 1984-yil 23-yanvarda tugʻilgan) – niderlandiyalik sobiq professional futbolchi, vinger sifatida oʻynagan. Dribling qobil

Arjen Robben
	Robben 2015-yilda Bayern Munich safida
Shaxsiy maʼlumot
Toʻliq ismi	Arjen Robben
Tavallud sanasi	23-yanvar 1984-yil (42 yosh)
Tavallud joyi	Bedum, Niderlandiya
Boʻyi	1.80 m
Ampluasi	Yarim himoyachi
Yoshligida aʼzo boʻlgan klublar
1989—1996	VV Bedum
1996—2000	Groningen
Professional faoliyati*
Yillar	Jamoa
2000—2002	Groningen
2002—2004	PSV
2004—2007	Chelsea
2007—2009	Real Madrid
2009—2019	Bayern Munich
2020—2021	Groningen
Total
Milliy terma jamoa
1999	Niderlandiya U15
1999—2000	Niderlandiya U16
2000	Niderlandiya U17
2001—2002	Niderlandiya U19
2001—2003	Niderlandiya U21
2003—2017	Niderlandiya
	*Professional klublardagi gollari (ichki chempionat)

Arjen Robben (talaffuzi: Ariyen Robben; 1984-yil 23-yanvarda tugʻilgan) – niderlandiyalik sobiq professional futbolchi, vinger sifatida oʻynagan. Dribling qobiliyati, tezligi, toʻpni boshqarish va uzoq masofadan zarba berishlari bilan tanilgan, u oʻz avlodining eng yaxshi oʻyinchilaridan biri va sport tarixidagi eng buyuk qanot himoyachilaridan biri hisoblanadi.

Robben dastlab Groningen jamoasida tanildi, u 2000-2001-yilgi Eredivisie mavsumida ushbu jamoa uchun yilning eng yaxshi oʻyinchisi boʻlgan. Ikki yildan soʻng u PSV klubi bilan shartnoma imzolagan va u yerda Niderlandiyaning eng yaxshi yosh futbolchisi unvonini qoʻlga kiritdi hamda Eredivisie chempionligini qozondi. Keyingi mavsumda yetakchi klublar Robbenni oʻz saflariga qoʻshib olishga intildilar va uzoq davom etgan transfer muzokaralari natijasida u 2004-yilda „Chelsea“ klubiga oʻtgan. Robbenning „Chelsea“dagi debyuti jarohati tufayli kechikkan, biroq sogʻayib qaytgach, u jamoasiga ketma-ket ikki marta Premyer-liga chempionligini qoʻlga kiritishga yordam bergan va 2004-yil noyabr oyida Premyer-liganing eng yaxshi futbolchisi deb topilgan. Angliyadagi uchinchi mavsumida ham jarohatlar tufayli toʻliq oʻynay olmagan Robben, keyinchalik Chelse tomonida „Real Madrid“ jamoasiga 35 million yevroga transfer qilingan, Madrid jamoasi bilan shartnoma imzolagan.

2009-yil avgust oyida Robben taxminan 25 million yevro evaziga „Bayern Munich“ jamoasi transfer qilingan. Münchendagi birinchi mavsumida „Bayern“ klubi bilan Germaniya chempionligini qoʻlga kiritgan, bu Robbenning sakkiz yil ichidagi beshinchi liga chempionligi edi. Robben 2013-yilgi UEFA Chempionlar Ligasi finalida gʻalaba golini urgan va mavsumning eng yaxshi jamoasiga kiritilgan. 2014-yilda u FIFPro World XI va UEFA yilning eng yaxshi jamoasiga kiritildi hamda „Oltin toʻp“ mukofotida toʻrtinchi oʻrinni egallagan. Germaniyada u 20 ta sovringa, shu jumladan sakkizta Bundesliga va beshta DFB kubogiga erishgan. „Bayern“ jamoasidagi uzoq yillik faoliyati davomida Robben hamkasbi, qanot hujumchisi Franck Ribéry bilan samarali hamkorligi sababli ham mashhur boʻldi. Ular birgalikda „Robbery“ laqabi bilan atala boshlangan.

Robben 2010-yilgi FIFA Jahon chempionati finalida maydonga tushgan, oʻyin yakunida Niderlandiya Ispaniyaga yutqazgan. Shuningdek, u 2004, 2008 va 2012-yillardagi UEFA Yevropa chempionatlarida va 2006 va 2014-yillardagi FIFA Jahon chempionatlarida ishtirok etgan. 2010-yilgi jahon chempionati turnirida u Bronza toʻpini qoʻlga ega boʻlgan va ramziy yulduzlar jamoasiga kiritilgan.