Reuven Rivlin

Reuven Rivlin (ibroniycha: ראובן ריבלין‎; 9-sentyabr 1939, Quddus, Falastin) – isroillik siyosatchi va huquqshunos, 2014—2021-yillarda Isroilning oʻninchi prezidenti. "Likud" partiyasining aʼzosi. Rivlin 2001-yildan 2003-yilgacha Aloqa vaziri boʻlgan va keyinchalik 2003-yildan 2006-yilgacha va 2009-yildan 2013-yilgacha Knesset spikeri lavozimlarida ishlagan. 2014-yil 10-iyunda Isroil prezidenti etib saylandi. Uning vakolati 2021-yil 7-iyulda tugadi.

Reuven Rivlin
ראובן ריבלין‬
10-Isroil Prezidenti
Mansab davri 2014-yil 24-iyuldan – 2021-yil 7-iyulgacha
Oʻtmishdoshi	Shimon Peres
Vorisi	Isaac Herzog
Isroil Aloqa vaziri
Mansab davri 2001-yil 7-martdan – 2003-yil 28-fevralgacha
Oʻtmishdoshi	Benjamin Ben-Aliezer
Vorisi	Ariel Sharon
Knesset spikeri
Mansab davri 2003-yil 19-fevraldan – 2006-yil 4-maygacha
Oʻtmishdoshi	Abraham Burk
Vorisi	Dalia Izik
Mansab davri 2009-yil 30-martdan – 2013-yil 5-fevralgacha
Oʻtmishdoshi	Dalia Izik
Vorisi	Joel Edelstein
Shaxsiy maʼlumotlari
Tavalludi	9-sentyabr 1939-yil (1939-09-09) (86 yosh) Quddus
Mukofotlari	Andoza:Peru quyoshi ordeni
Imzosi

Biografiyasi

Joseph Joel Rivlin (1889—1971) va Rachel Rivlin (1904—2005) oilasida tugʻilgan. Zahiradagi harbiy xizmatni oʻtagan. Quddus universitetini tugatgan. 1978-yilda Quddus munitsipalitetiga saylangan. 1981-yildan 1986-yilgacha „El-Al“ aviakompaniyasida ishlagan. 1986-yilda Quddusdagi „Herut“ harakati raisi. 1988-yilda Quddus meriyasi saylovida magʻlub boʻldi. 1988-1993-yillarda „Likud“ harakati raisi. 1996-yildan Knesset deputati. 16-chaqiriqda Knesset spikeri etib saylandi. 2007-yildagi prezidentlik saylovlarida magʻlub boʻldi. 2009-yilda 18-chaqiriq Knesset raisi etib saylandi. 2014-yil 10-iyunda Isroil Prezidenti etib saylandi. 24-iyulda vazifasiga kirishdi.

Shaxsiy hayoti

1971-yildan 2019-yilda vafotigacha Nechama Rivlin bilan turmush qurgan va ularning toʻrt farzandi bor. Rivlin 1960-yillarning oxiridan beri vegetarian boʻlib kelgan. Rivlin yetti yoshidan beri „Beitar Jerusalem“ futbol klubiga muxlislik qilgan. Arab tilini yaxshi biladi.

Fikrlari

Rivlin bir vaqtlar Isroilga arman genotsidini tan olish uchun kampaniya olib borgan. 2012-yilda u shunday degan edi: „Birinchi jahon urushi yillarida bir milliondan ortiq oʻgʻlini yoʻqotgan arman xalqi boshiga tushgan fojiani eslatish bizning maʼnaviy burchimiz va buni siyosiy masalaga aylantirmasligimiz kerak. Men bu masalaning nozikligini bilaman. Ammo ochiq aytaylik: Bu bugungi Turkiyani yoki hozirgi Turkiya hukumatini ayblash emas“.