Karim Muqumboyev

Vikipediyada ismi Karim va familiyasi Muqumboyev boʻlgan boshqa kishilar haqida ham maqolalar mavjud.

Karim Karimovich Muqumboyev (1901-yil, Bekxo qishlogʻi (keyinchalik Samarqand deb atalgan) Rossiya imperiyasining Turkiston oʻlkasida tugʻilgan — 1975-yil Oʻzbekiston SSRning Toshkent shahrida vafot etgan) — sovet partiya va davlat arbobi. Oʻzbekiston Kompartiyasining Namangan (1943—1945-yillarda) va Buxoro (1946—1948-yillarda) viloyatlari qoʻmitalari birinchi kotibi.

Karim Karimovich Muqumboyev
Oʻzbekiston Kompartiyasining Buxoro viloyat qoʻmitasi 5-birinchi kotibi-
Mansab davri 1946-yil yanvar – 1948-yil ?
Avvalgisi	Yoqubjon Аrtikbayev
Keyingisi	Nig‘mat Muhammadjonovich Маngutov
Oʻzbekiston Kompartiyasi Namangan viloyat qoʻmitasining 1-kotibi-
Mansab davri 1941-yil 6-mart – 1945-yil
Avvalgisi	Ushbu lavozim mavjud bo‘lmagan
Keyingisi	Тursun Qambarov
Shaxsiy maʼlumotlari
Tavalludi	1901-yil Bekxo, Samarqand, Turkiston oʻlkasi, Rossiya imperiyasi
Vafoti	1975-yil Тoshkent, O‘zbekiston SSR, SSSR
Siyosiy partiyasi	KPSS
Mukofotlari

Biografiyasi

Karim Karimovich Muqumboyev 1901-yilda Rossiya imperiyasining Turkiston oʻlkasida tugʻilgan. 1925-yildan KPSS (Sovet Ittifoqi Kommunistik partiyasi) aʼzosi hisoblangan.

Muqumboyev 1939-yilning iyul oyida SSSR Ichki Ishlar Xalq Komissarligining Buxoro viloyat boshqarmasi boshligʻi etib tayinlangan.

1941—1943-yillarda Oʻzbekiston Kompartiyasi Markaziy Komitetining Namangan viloyati boʻyicha tashkiliy byurosining birinchi kotibi. 1943—1945-yillarda Oʻzbekiston Kompartiyasi Namangan viloyat qoʻmitasi birinchi kotibi. 1946—1948-yillarda Oʻzbekiston Kompartiyasi Buxoro viloyat qoʻmitasi birinchi kotibi.

1964—1972-yillarda Markaziy Fargʻona irrigatsiya va yerlarni oʻzlashtirish boʻyicha Fargʻona viloyat kolxozlararo kengashi inspektor-maslahatchisi, rais oʻrinbosari lavozimlarida faoliyat koʻrsatgan.

Muqumboyev shuningdek, SSSR Oliy Kengashining 2-chaqiriq deputati etib saylangan.

Mukofotlar va unvonlari

Karim Karimovich

• Lenin ordeni;

• uch marotaba Mehnat Qizil Bayrogʻi ordeni;

• „Shon-sharaf belgisi“ ordeni;

• „Jasorat uchun“ medali bilan taqdirlangan.