Marquinhos

Marcos Aoás Corrêa (talaffuzi: Markos Aoas Korrea; 1994-yil 14-mayda Braziliyada tugʻilgan), Marquinhos nomi bilan mashhur – braziliyalik futbolchi, markaziy himoyachi va Fransiyaning „Paris Saint-Germain“ futbol klubi sardori, shuningdek, Braziliya terma jamoasi futbolchisi. Markaziy himoyachi pozitsiyasidan tashqari, u baʼzan oʻng qanot himoyachisi va yarim himoyachisi sifatida toʻp surgan.

Marquinhos

Shaxsiy maʼlumot
Toʻliq ismi	Marcos Aoás Corrêa
Tavallud sanasi	14-may 1994-yil (1994-05-14) (31 yosh)
Tavallud joyi	São Paulo, Braziliya
Boʻyi	1.83 m
Ampluasi	Himoyachi
Klub maʼlumoti
Joriy klub	Paris Saint-Germain
Raqami	5
Yoshligida aʼzo boʻlgan klublar
2002—2011	Corinthians
Professional faoliyati*
Yillar	Jamoa	Isht.	(Gol.)
2011—2013	Corinthians	14	(0)
2012—2013	→  Roma	16	(0)
2013	Roma	10	(0)
2013—	Paris Saint-Germain	312	(26)
Milliy terma jamoa
2011	Braziliya U17	14	(0)
2014	Braziliya U21	5	(0)
2016	Braziliya U23	6	(1)
2013—	Braziliya	97	(7)
*Professional klublardagi gollari (ichki chempionat) (2025-yil 25-may uchun)

Klublardagi faoliyati

Marcos Aoás Corrêa 1994-yil 14-mayda Braziliyaning São Paulo shahrida tugʻilgan. U oiladagi yagona futbolchi emas, balki uning akasi Luan ham São Pauloning yoshlar jamoalarida futbol oʻynagan.

2013-yilning 19-iyulida Marcos Aoás Corrêa 31,4 million yevro evaziga „PSJ“ futbol klubiga oʻtib, klub bilan 5 yillik shartnoma imzolagan. „BBC Sport“ xabariga koʻra, bu oʻsha paytda 20 yoshgacha boʻlgan futbolchi uchun toʻlangan eng yuqori summa edi. Fransiyaning „BFM TV“ telekanali bu transferni himoyachi tarixidagi eng qimmat transferlardan biri sifatida taʼriflagan.

Xalqaro faoliyati

2011-yilda Marcos Aoás Corrêa 17 yoshgacha boʻlganlar oʻrtasida ikkita yirik xalqaro turnirda ishtirok etgan. Yozda Marcos Aoás Corrêa Jahon chempionatida qatnashgan. U yerda himoyachi barcha yetti uchrashuvni oʻtkazgan va uning jamoasi turnirda toʻrtinchi oʻrinni egallagan.

 

Marcos Aoás Corrêa (chapdan ikkinchi) Braziliya terma jamoasi bilan Olimpiada oltin medalini qoʻlga kiritganini nishonlamoqda

2013-yil oktyabr oyida qoʻsh fuqarolikka ega boʻlgan (portugal va braziliyalik) Marcos Aoás Corrêa Portugaliya terma jamoasiga chaqirilishiga tayyor ekanligini maʼlum qilgan. 2013-yilning 31-oktyabr kuni Marcos Aoás Corrêa Braziliya terma jamoasiga oʻsha paytdagi bosh murabbiy Luiz Felipe Skolari tomonidan Gonduras va Chili terma jamoalariga qarshi oʻrtoqlik oʻyinlari uchun birinchi marta chaqiruv olgan. 17-noyabr kuni Mayamida Gonduras terma jamoasiga qarshi oʻyinda Marcos Aoás Corrêa Braziliya terma jamoasida debyut qilgan, u maydonga tushgan oʻyinda Braziliya 5:0 hisobida gʻalaba qozongan.

Marcos Aoás Corrêa 2014-yil Tulon turniri uchun Braziliya U-21 terma jamoasiga chaqirilgan edi, u yerda himoyachi barcha besh oʻyinda qatnashib, terma jamoasiga turnirda gʻalaba qozonishga yordam bergan. Jahon chempionatini oʻtkazib yuborgan Marcos Aoás Corrêa 2014-yilning sentyabr oyida yangi jamoa bosh murabbiyi Dunga qoʻl ostida terma jamoaga qaytgan. Braziliyalik futbolchi Kolumbiya va Ekvadorga qarshi oʻrtoqlik oʻyinlarida ishtirok etgan. 2015-yilda Marcos Aoás Corrêa yana 2015- yilda Chilida boʻlib oʻtadigan Amerika kubogi uchun terma jamoaga chaqirilgan, bu turnir Marcos Aoás Corrêa uchun birinchi yirik xalqaro turnir edi.

2016-yilda Marcos Aoás Corrêa 2016-yilda AQShda boʻlib oʻtgan Amerika kubogida ishtirok etish uchun jamoaga chaqirilgan. Milliy jamoasining dastlabki ikki oʻyinida Marcos Aoás Corrêa Gil bilan juftlik hosil qilgan, keyinchalik guruh bosqichining soʻnggi oʻyinida Mirandaning oʻrniga maydonga tushgan. Oʻsha yilning oxirida Marcos Aoás Corrêa 2016-yilgi Yozgi olimpiya oʻyinlarida ishtirok etgan.

2017-yilning 10-oktyabr kuni Tiago Silvaning jarohati tufayli Marcos Aoás Corrêa Chili terma jamoasiga qarshi oʻyinda sardorlik bogʻichi bilan maydonga tushgan. 2018-yilning may oyida Marcos Aoás Corrêa 2018-yilda Rossiyada boʻlib oʻtadigan jahon chempionati uchun terma jamoaga chaqirilgan. 12-sentyabr kuni Marcos Aoás Corrêa Braziliyaning asosiy terma jamoasidagi faoliyatidagi ilk golini urdi, bu Salvadorga qarshi oʻyinda sodir boʻlgan va oʻyin 5:0 hisobida yakunlangan.

2019-yilning may oyida Marcos Aoás Corrêa Braziliyada boʻlib oʻtgan Amerika kubogi uchun oʻz terma jamoasiga kiritilgan. Braziliyaliklar Rio-de-Janeyrodagi Marakana stadionida kechgan finalda Peru terma jamoasini magʻlub etib, ushbu turnir gʻolibiga aylanishgan.

Statistikasi

Jamoa	Mavsum	Liga		Milliy kubok		Xalqaro kubok		Jami
		Oʻyin	Gol	Oʻyin	Gol	Oʻyin	Gol	Oʻyin	Gol
S. C. Corinthians  Braziliya	2012	6	0	—		0	0	14	0
	Jami	6	0	0	0	0	0	14	0
A. S. Roma  Italiya	2012—2013	26	0	4	0	—		30	0
	Jami	26	0	4	0	0	0	30	0
París Saint-Germain F. C.  Fransiya	2013—2014	21	2	3	0	8	3	32	5
	2014—2015	25	2	10	0	7	0	42	2
	2015—2016	29	1	8	1	6	0	43	2
	2016—2017	29	3	7	1	8	0	44	4
	2017—2018	26	0	7	2	8	0	41	2
	2018—2019	30	3	7	0	7	1	44	4
	2019—2020	19	3	7	1	11	2	37	6
	2020—2021	25	3	5	0	10	3	40	6
	2021—2022	32	5	0	0	8	0	40	5
	2022—2023	14	1	1	0	6	0	21	1
	Jami	250	23	55	5	79	9	384	37
Umumiy faoliyatida		282	23	59	5	79	9	428	37