Qamchiq tunneli — Fargʻona vodiysini Oʻzbekistonning qolgan qismi bilan, shuningdek, Qirgʻiziston va Xitoy temir yoʻl tizimi bilan bogʻlovchi Toʻqimachi — Pop t

Qamchiq tunneli

Mamlakat:	O'zbekiston
Maqomi:	Temiryoʻl tunneli
Liniya:	Angren-Pop temir yoʻl liniyasi
Manzil:	Qurama tog'lari
Tunnellar soni	1 ta asosiy tunnel + 1 ta favqulodda tunnel
Ochilishi:	2016-yil 22-iyun
Uzunligi:	19200 m
Qurilish boshlanishi:	2013-yil noyabr
Ish boshlanishi:	2016-yil 11-iyul
Qiymati:	455 mln dollar
Qurilish kompaniyasi:	China Railway Tunnel Group

Qamchiq tunneli — Fargʻona vodiysini Oʻzbekistonning qolgan qismi bilan, shuningdek, Qirgʻiziston va Xitoy temir yoʻl tizimi bilan bogʻlovchi Toʻqimachi — Pop temir yoʻlida joylashgan Qamchiq togʻ dovoni orqali oʻtuvchi temir yoʻl tunneli. Sobiq SSSR va Markaziy Osiyoda bu turdagi eng yirik tuzilma. Dunyo reytingida togʻli hududlarda joylashgan tunnellar orasida murakkabligi boʻyicha tunnel 8-oʻrinni, tunneldagi temir yoʻl uzunligi boʻyicha esa 25-oʻrinni egallaydi.

Tunnel qurilishi boʻyicha ishlar 2013-yilda boshlangan. Tunnel 2016-yil 27-avgustda harakatlanish uchun ochilgan.

Xitoyning China Railway Tunnel Group kompaniyasi qurilishning bosh pudratchisi boʻldi.

Tarixi

2013-yil 18-iyun kuni Oʻzbekiston Prezidenti Islom Karimovning „Angren-Pop elektrlashtirilgan temir yoʻl liniyasi qurilishini tashkil etish chora-tadbirlari toʻgʻrisida“gi qarori qabul qilindi.

Temir yoʻlning umumiy uzunligi 123,1 km. U Fargʻona vodiysining 7 millionga yaqin aholisi istiqomat qiladigan uchta viloyatini Qamchiq dovoni orqali Oʻzbekistonning qolgan hududlari bilan bogʻlaydi.

Temir yoʻl liniyasini qurishdan koʻzlangan maqsad Oʻzbekistonning yagona temir yoʻl tarmogʻini yaratishni yakunlash, shuningdek, yuklarni Tojikiston hududini aylanib oʻtish orqali tashishni tugatish — bu esa vaqt va katta moliyaviy resurslarni tejash imkonini beradi.

Angren-Pop temir yoʻlining butun uchastkasining dastlabki qiymati 1,9 milliard dollarni tashkil etadi, u xalqaro moliya institutlarining 1 milliard dollargacha boʻlgan kreditlari va Oʻzbekiston tomonining oʻz mablagʻlari hisobidan moliyalashtiriladi. Qurilish muddati besh yil.

Tunnelni qurish qiymati 455 million dollarga baholanmoqda. Shartnoma shartlariga koʻra, China Railway Tunnel Group kompaniyasi 19 kilometrlik poyezd tunnelini qurishni rejalashtirmoqda. Bundan tashqari, favqulodda vaziyatlarda zarur boʻlgan evakuatsiya aditini qurish rejalashtirilgan.

Qurilishi

Qurilish 2013-yil noyabr oyida boshlangan.

Tunnel qurilishini Oʻzbekiston qurilish-montaj korxona va tashkilotlari — SPMS-1, Mostootryad-67, PDM Buxoro, Gidrospetsstroy, SPMK, Shaxtostroy, Xusan kon muhandis, SUV-75, „ToshSUBVR“ kompaniyalari China China Railway Tunnel Group bilan hamkorlikda amalga oshirdi. Qurilishda oʻrtacha 500 dan ortiq ishchi ishlagan.

Tunnelni yotqizish jarayonida quruvchilar koʻplab qiyinchilik va muammolarni, shu jumladan 3 mingdan ortiq qulashlarni yengib oʻtishdi.

2016-yil fevral oyida temir yoʻl tunnelida tunnel qurish ishlari yakunlandi.

2016-yil 27-may kuni relslar tutashtirildi va ular boʻylab birinchi poyezd Angren vokzalidan Pop stansiyasiga test rejimida oʻtdi.

2016-yil 22-iyun kuni Angren-Pop elektrlashtirilgan temir yoʻlining ishga tushirilishi va keng koʻlamli loyiha doirasida qurilgan tunnelning ochilishiga bagʻishlangan tantanali marosim boʻlib oʻtdi.

Harakatlanish

Poyezdlarning tunnel orqali muntazam harakatlanishi boshlanishi — 2016-yil 5-sentyabr (Toshkent — Andijon va Urganch — Andijon reyslari).

Tunnel oʻlchamlari

Tunnel uzunligi: 19200 m
Qurilish boshlanishi: 2013-yil noyabr
Janubiy va shimoliy tunnel ishlari tugallanishi: 2016-yil 27-fevral
Tantanali ochilish: 2016-yil 22-iyun
Ish boshlanishi: 2016-yil 11-iyul (Yuk tashish)

Yana qarang

Dunyodagi eng uzun tunnellar roʻyxati

Qamchiq dovoni