Mahfuza Bobotillayeva

Mahfuza Bobotillayeva (16-oktyabr 1961-yil; Toshkent shahri, OʻzSSR) — oʻzbek kino va teatr aktrisasi. Oʻzbekiston Respublikasida xizmat koʻrsatgan artist.

Mahfuza Bobotillayeva
Tavalludi	Bobotillayeva Mahfuza Ubaydullayevna 16-oktyabr 1961-yil (1961-10-16) (64 yosh) Toshkent, OʻzSSR
Fuqaroligi	OʻzSSR → Oʻzbekiston
Kasbi	Aktrisa
Otasi	Ubaydulla Abdulayevich Bobotillayev
Onasi	Latifa Bobotillayeva
Mukofotlari

Hayoti

Bobotillayeva Mahfuza Ubaydullayevna 1961-yilning 16-oktyabrida Toshkent shahrining Yakkasaroy mahallasida oʻqituvchilar oilasida tavallud topgan. Otasi Ubaydulla Bobotillayev boshlangʻich sinf oʻqituvchisi boʻlib, uning kino sanʼatiga qiziqishiga otasi sabab boʻlgan. Onasi Latifa Bobotillayeva. Aktrisa dastlab, taʼlimi rus tilida olib boriladian oʻrta maktabida oʻqigan, undan soʻng esa Toshkent teatr va rassomlik institutida tahsil olgan. Uning bir qizi va 2 nevarasi bor.

Faoliyati

Mahfuza Bobotillayeva 1983-yildan Oʻzbek milliy akademik drama teatri aktrisasi sifatida oʻz faoliyati boshlagan. Uning Oʻzbek milliy akademik drama teatridagi ilk roli „Parvona“ spektakli boʻlib, unda Yulduz rolini oʻynagan. Undan keyin „Afgʻon reportaji“ spektaklida Sitora obrazini, „Yulduzli tunlar“ spektaklida Samarqandning soʻnggi temuriy malikasi Zuhrabegim obrazini gavdalantirgan. Uning teatr sahnasida keng ommaga mashhur qilgan roli Erkin Xushvaqtov qalamiga mansub „Qalliq oʻyini“ spektakli boʻlib, unda Xolbeka rolini oʻynagan. Bundan tashqari u xorij va oʻzbek asarlari asosida sahnalashtirilgan „Qirol Lir“, „Yetti faryod“, „Chimildiq“, „Iymon“, „Alla“ va „Neksiya“ kabi spektakllarda har xil obrazlar yaratgan. Aktrisa teatr haqida quyidagicha fikr bildirgan:

"Teatr – meni hayotim, meni umrim, meni rizqim-nasibam, meni ikkinchi uyim".

Filmografiyasi

Mahfuza Bobotillayevaning kinofilmlardagi ilk roli 1987-yilda taniqli oʻzbek rejissori Melis Abzalov tomonidan suratga olingan "Armon" film boʻladi. Uning keng omma orasida yanada tanitgan "Janob hech kim" film hisoblanadi.

Suratga tushgan filmlari

Yil	Nomi	Obraz	Izoh
2019	Uzilgan rishta
2018	Dilozorim
2017	96-soat
2016	Boy boʻlma, sahiy boʻl
2015	Qiz koʻngli
	Shunqorlar		Bosh rol
2014	Koʻrgim keladi
2013	Vafodorim
	Farzandim	Sudya
2012	Qudajonlar
	Zirapcha	Malikaning onasi
	Bevalar	Akbarning onasi
2009	Ada emas, dada
	Janob hech kim	Komilboyning rafiqasi	Bosh rol
2008	Xavfli burilish
1998	Shaytanat	Guli
1997	Koʻngil koʻchalari
1991	Koʻzlarim yoʻlingda	Barmenning rafiqasi
1990	Bobur	Zuhrabegim, Sulton Ali Mirzoning onasi	Serial
1986	Armon		Epizod

Mukofotlari

• Oʻzbekiston Respublikasida xizmat koʻrsatgan artist (?-yil)